మెగా, నందమూరి అభిమానులకు RRR రూపంలో ఫీస్ట్ అందించారు దర్శకధీరుడు రాజమౌళి. ఫిక్షనల్ పిరియాడిక్ మూవీ గా రూపొందిన RRR సినిమా పాన్ ఇండియా మూవీగా రూ.1200 కోట్లకు పైగా వసూళ్లను సాధించింది. జపాన్ బాక్స్ ఆఫీస్ దగ్గర కూడా సత్తాను చాటింది. RRR మూవీ రిలీజ్ అయినప్పుడు దానికి సీక్వెల్ ఉంటే బావుంటుందని ఫ్యాన్స్, ఆడియన్స్ భావించారు. అప్పట్లో రాజమౌళి తండ్రి, రైటర్ విజయేంద్ర ప్రసాద్ కూడా RRR సీక్వెల్ ఉంటుందని చెప్పిన సంగతి తెలిసిందే. కాగా, అదే విషయాన్ని రాజమౌళి కన్ఫర్మ్ చేశారు.
RRR రైటర్, తండ్రి అయిన విజయేంద్రప్రసాద్ తో సీక్వెల్ కు సంబంధించిన డిస్కషన్స్ జరుగుతున్నాయని అన్నారు. అయితే ఈ చర్చలు ప్రాథమిక స్థాయిలోనే ఉన్నాయని ఆయన తెలిపారు. గ‌తంలో చికాగోలో జరిగిన ఓ పాత్రికేయుల సమావేశంలో రాజమౌళి చేసిన వ్యాఖ్య‌లు గట్టిగా వైరల్ అయ్యాయి. నిజంగానే RRR-2 ఉంటుందని అనౌన్స్మెంట్ వస్తే మాత్రం ఫ్యాన్స్ పండగ చేసుకుంటారనడంలో సందేహం లేదు. పార్ట్ 2 ఉంటే భీమ్, సీతారామరాజు మధ్య ఘర్షణ ఉండేలా సినిమా చేసే ఛాన్స్ ఉందట.
RRR,1920 బ్యాక్ డ్రాప్ లో జరిగిన ఫిక్షనల్ పీరియాడిక్ మూవీ. నిజమైన స్వాతంత్ర పోరాట యోధులు అల్లూరి సీతారామరాజు, కొమరం భీమ్ మధ్య స్నేహం వైరం ఉంటే ఎలా ఉంటుంది అనే కల్పిత కథాంశంతో తెరకెక్కింది. అల్లూరి సీతారామరాజుగా మెగా పవర్ స్టార్ రామ్ చరణ్, కొమరం భీమ్ గా యంగ్ టైగర్ ఎన్టీఆర్ నటించారు. బాలీవుడ్ నుంచి అలియా భట్, అజయ్ దేవగన్ లతోపాటు హాలీవుడ్ నుంచి ఆలీసన్ డూడి, ఒలీవియా మోరిస్ తదితరులు నటించారు.
