రోజూ వ్యాయామం చేయ‌డం వ‌ల్ల మీ శ‌రీరంలో ఏం జ‌రుగుతుందో తెలుసా..?

రోజూ వ్యాయామాలు చేస్తూ శారీరకంగా చురుకుగావుంటే ఎన్నో ప్రయోజనాలుంటాయి. అన్నిటికి మించి ఆరోగ్యం అద్భుతంగా వుంటుంది. రెగ్యులర్ గా చేసే వ్యాయామాలు ఎలా లాభిస్తాయో చూడండి…. ! శారీరక రూపాన్ని, సత్తాని చాటి మంచి శక్తి కలిగిస్తాయి. డిప్రెషన్, ఒత్తిడి వంటివి దగ్గరకు రావు గుండె సంబంధిత వ్యాధులు దరికి చేరవు.

రక్తపోటు తగ్గిస్తాయి, చెడు కొల్లెస్టరాల్ పోయి, మంచి కొల్లెస్టరాల్ స్ధాయి శరీరంలో పెరుగుతుంది, ఎముకల అరుగుదల అసలేవుండదు. అధిక బరువు తగ్గించి, సమంగా వుండేలా చేస్తాయి. కండలు తిరిగిన శరీరంతో చూచేవారికి అద్భుత వ్యక్తిలా వుంటారు.

ఒత్తిడిని తగ్గించి నిద్ర గాఢంగా పట్టేలా చేస్తాయి. ఆత్మగౌరవాన్ని పెంచి మానసికంగా చురుకుగా వుండేలా చేస్తాయి. ఎపుడూ బ్యాలన్స్‌డ్‌ గా వుంటూ సరళత కలిగి వుంటారు. వ్యాధి నిరోధక స్ధాయి పెరుగుతుంది. 20 నుండి 50 శాతం వరకు ఏరకమైన వ్యాధులు, రోగాలు వచ్చే అవకాశాలు తగ్గుతాయి.