ప్రస్తుతం మనం ఉరుకులు పరుగుల జీవితాన్ని గడుపుతున్నాం. ఉదయం లేచిన దగ్గిర నుంచి రాత్రి పడుకునే వరకు బిజీ బిజీగా సమయాన్ని గడుపుతుంటాం. కొన్ని సార్లు కుటుంబం, పిల్లలతో, ఆఫీస్ పనులతో బిజీగా ఉంటున్నా.. దీంతో ఆరోగ్యం కోసం సమయాన్ని కేటాయించడం కష్టంగా మారింది. మన కోసం శ్రద్ద తీసుకునే సమయం కూడా లేదు. దీంతో శారీరక, మానసిక ఒత్తిడికి గురవుతున్నాము. ఈ ఒత్తిడికి దూరంగా ఉండాలంటే రోజువారీ వ్యాయామం తప్పనిసరి. దీని వల్ల చక్కటి శరీరాకృతి, ఆరోగ్యం, మానసిక ప్రశాంతత లభిస్తుంది. అయితే ఇందుకోసం జిమ్‌లలో అన్ని రకాల ఎక్విప్‌మెంట్స్‌తో కుస్తీలు పట్టాల్సిన అవసరం లేదు. గంటల కొద్దీ సమయాన్ని గడపాల్సిన అవసరం లేదు. అలానే వ్యాయామం కోసం ఆఫీస్ కు ఆలస్యంగా వెళ్ళక్కర్లేదు. దీనికోసం తక్కువ సమయాన్ని కేటాయించి మంచి ఆరోగ్యం పొందవచ్చు. అందుకే మేము మీకోసం తక్కువ సమయంలో చేయగలిగే, మీరు ఆఫీస్ కు బయలుదేరే ముందు ఇంట్లో చేయగలిగే వ్యాయామాలను అందిస్తున్నాం, ఇవి పాటిస్తే చాలు వ్యాయామం చేయలేదన్న బాధ కూడ ఉండదు, ఆరోగ్యంగా కూడా ఉండచ్చు.
అయితే పరికరాలు లేకుండా వ్యాయామం చెయొచ్చంటే, దాని ఉద్దేశం ఇంట్లో ఎటువంటి వ్యాయామాలైన చేయమని కాదు. ఫిట్ గా ఉండాలని ప్రతి ఒక్కరూ కోరుకుంటారు. అయితే దాని కంటూ కొన్ని నియమాలు ఉంటాయి. ఈ వ్యాయామాలకు సరైన సమయం ఉంది. వాటిని ప్రదర్శించే ముందు ట్రైనర్‌తో చర్చించాలి. దీనికోసం సిటీకి చెందిన ఫిట్ నెస్ ట్రైనర్ హర్ష సలుంఖే, మహిళల కొరకు ఇంట్లో చేసే వ్యాయామాలను సూచిస్తున్నారు. సెలవుల్లో, బిజీ షెడ్యూల్ సమయంలో ఇది ఉత్తమ ప్రత్యామ్నాయం. ఆదేశాల మేరకు వారు ఆ క్రమాన్ని అనుసరించాలని ఆమె తెలిపారు. ఫిట్ నెస్, వ్యాయామాల కోసం ఇంటర్నెట్ లో వీడియోలను అనుసరించడం ప్రమాదకరమని హర్ష అభిప్రాయపడ్డారు.
సాధారణంగా ఇటువంటి వ్యాయామ వీడియోలలో ఉన్న వ్యక్తులు ఫిట్ గా ఉంటారని అందువల్ల వారు కష్టమైన వ్యాయామాలు చేస్తున్నప్పుడు అవి తేలిగ్గా ఉంటాయని, అందువల్ల అవి చాలా సులభంగా అనిపించేలా చేస్తాయని చెబుతున్నారు. వాస్తవానికి, పరిస్థితి భిన్నంగా ఉంటుంది. చాలా మందికి ఒంట్లో సరిపడ స్టామినా ఉండదు, మీరు ఒకవేళ మీరు అందులో ఉన్నట్టు వ్యాయామం చేస్తే, మీకు తీవ్రమైన గాయాలు అవుతాయి. కాబట్టి, ఇంటి వద్ద ఫిట్ నెస్ కోసం రోజు వ్యాయామం చేయాలనుకుంటే ముందుగా ఫిట్‌నెస్ ట్రైనర్‌ని సంప్రదించండి. ఈ వ్యాయామ దినచర్యలో జంపింగ్ జాక్, స్క్వాట్స్, పుష్-అప్స్, ప్లాంక్ వంటి సాధారణ వ్యాయామాలు ఉంటాయి. నెమ్మదిగా జాగింగ్, మార్చింగ్ వ్యాయామం చేసే ముందు శరీరాన్ని సన్నాహం చేయటం మంచిది. ఈ సాధారణ వ్యాయామాల విభిన్న కలయికలు, వైవిధ్యాలు పరికరాలు లేకుండా కూడా మంచి వ్యాయామాలు చేయొచ్చు.
కార్డియో వ్యాయామాలు ఆరోగ్యానికి మంచిది. శరీర బరువు తగ్గించుకోవాలి అనుకునే వారు కార్డియో వ్యాయామాలను తప్పక చేయాలి. వీటి వలన ఉదరభాగం, తొడలు, పిరుదుల వద్ద ఉండే కొవ్వు పదార్థాలు కరిగించబడతాయి. రన్నింగ్, జంపింగ్ రోప్, స్విమ్మింగ్, ఎరోబిక్స్, సైక్లింగ్ వంటి కార్డియో వ్యాయామాలు కొవ్వు పదార్థాలను సమర్థవంతంగా తగ్గిస్తాయి. ఇవి శరీర దృఢత్వాన్ని పెంపొందించడానికి ఉత్తమమైనవి, ఇది మరింత విస్తృతమైన నిత్యకృత్యాలను చేపట్టడానికి మీకు సహాయపడతాయి. మీ వయస్సు, శక్తీ, దృఢత్వం ప్రకారం వ్యాయామాలను మార్చవచ్చు.
