Soaked Dry Fruits : మ‌నం మ‌న శ‌రీర ఆరోగ్యం బాగుండాల‌ని, అనారోగ్య స‌మ‌స్య‌లు ద‌రి చేరకుండా ఉండాల‌ని ర‌క‌ర‌కాల ఆహార ప‌దార్థాల‌ను ఆహారంగా తీసుకుంటూ ఉంటాము. అలాగే షుగ‌ర్, అధిక రక్తపోటు, అధిక బ‌రువు వంటి వివిద ర‌కాల అనారోగ్య స‌మ‌స్య‌ల నుండి బ‌య‌ట‌ప‌డాల‌ని చ‌క్క‌టి పోషకాలు క‌లిగిన ఆహారాల‌ను తీసుకుంటూ ఉంటాము. అయితే మ‌నం తీసుకునే కొన్ని ర‌కాల ఆహార ప‌దార్థాల‌ను నేరుగా తీసుకోవ‌డం కంటే వాటిని నానబెట్టి తీసుకోవ‌డం వ‌ల్ల మ‌నం మ‌రిన్ని ప్ర‌యోజ‌నాల‌ను పొంద‌వ‌చ్చు. ఇలా తీసుకోవ‌డం వ‌ల్ల ఆ ఆహార ప‌దార్థాలు సుల‌భంగా జీర్ణం అవ్వ‌డంతో పాటు మ‌న శ‌రీరానికి పోషకాలు చ‌క్క‌గా అందుతాయి. అలాగే ఆ ఆహార ప‌దార్థాల వ‌ల్ల క‌లిగే ఆరోగ్య ప్ర‌యోజ‌నాలు మ‌న‌కు చ‌క్క‌గా అందుతాయి.
అయితే మ‌నం నానబెట్టి తీసుకోవాల్సిన ఆ ఆహార ప‌దార్థాలు ఏమిటి…వాటిని తీసుకోవ‌డం వ‌ల్ల మ‌న‌కు క‌లిగే ప్ర‌యోజ‌నం ఏమిటి.. వంటి అంశాల‌ను ఇప్పుడు తెలుసుకుందాం. మెంతుల‌ను కూడా మ‌నం ఆహారంగా, ఔష‌ధంగా తీసుకుంటూ ఉంటాము. రోజూ రెండు స్పూన్ల మెంతుల‌ను రాత్రంతా నీటిలో నానబెట్టి ఉద‌యాన్నే తీసుకోవాలి. అలాగే మెంతులు నాన‌బెట్టిన నీటిని కూడా తాగాలి. ఇలా తీసుకోవ‌డం వ‌ల్ల కీళ్ల నొప్పులు త‌గ్గుతాయి. ప్రేగులు శుభ్ర‌ప‌డ‌తాయి. మ‌ల‌బ‌ద్ద‌కం స‌మ‌స్య తగ్గుతుంది. ర‌క్తంలో చ‌క్కెర స్థాయిలు అదుపులో ఉంటాయి. స్త్రీల‌ల్లో నెల‌స‌రి స‌మ‌యంలో వ‌చ్చే నొప్పులు త‌గ్గుతాయి. అలాగే అవిసె గింజ‌లు కూడా మ‌న‌కు చ‌క్క‌టి ఆరోగ్యాన్ని అందించ‌డంలో ఎంత‌గానో స‌హాయ‌ప‌డ‌తాయి. వీటిలో పీచు ప‌దార్థాలు, యాంటీ ఆక్సిడెంట్లు, విట‌మమిన్స్, మిన‌ర‌ల్స్, ఒమెగా 3 ఫ్యాటీ యాసిడ్లు అధికంగా ఉంటాయి.
రోజూ ఒక టీ స్పూన్ అవిసె గింజ‌ల‌ను నానబెట్టి తీసుకోవాలి. ఇలా తీసుకోవ‌డం వ‌ల్ల శరీరంలో రోగ‌నిరోధ‌క శ‌క్తి పెరుగుతుంది. అధిక బ‌రువు స‌మ‌స్య నుండి చాలా సుల‌భంగా బ‌య‌ట‌ప‌డ‌వ‌చ్చు. అలాగే శ‌రీరానికి అవ‌స‌ర‌మైన శ‌క్తి ల‌భిస్తుంది. నీర‌సం, బ‌ల‌హీన‌త వంటి స‌మ‌స్య‌లు మ‌న ద‌రి చేరకుండా ఉంటాయి. అదే విధంగా పోష‌కాల గ‌ని అయిన‌టువంటి అంజీరాను కూడా మ‌నం ఆహారంగా తీసుకుంటూ ఉంటాము. వీటిలో విట‌మిన్ ఎ, విట‌మిన్ బి, క్యాల్షియం, ఐర‌న్, మాంగనీస్, పొటాషియం, ఫైబ‌ర్ వంటి ఎన్నో పోషకాలు ఉంటాయి. అయితే సాధార‌ణంగా మ‌నం అంజీరాను నేరుగా తినేస్తూ ఉంటాము. కానీ రోజూరాత్రి రెండు లేదా మూడు అంజీరాల‌ను నీటిలో నానబెట్టి ఉద‌యాన్నే తీసుకోవాలి. ఇలా తీసుకోవ‌డం వ‌ల్ల అధిక రక్తపోటు తగ్గుతుంది.
మెద‌డు పనితీరు మెరుగుప‌డుతుంది. శరీరంలో ఫ్రీ రాడిక‌ల్స్ న‌శించి క్యాన్స‌ర్ వంటి ప్రాణాంత‌క వ్యాధుల బారిన ప‌డ‌కుండా ఉంటాము. ర‌క్త‌హీన‌త స‌మ‌స్య కూడా తగ్గుతుంది. ఇక బాదంప‌ప్పుల‌ను కూడా మ‌నం నాన‌బెట్టే తీసుకోవాలి. రోజూ 5 లేదా 6 బాదంప‌ప్పుల‌ను నానబెట్టి పొట్టు తీసేసి తినాలి. ఇలా తీసుకోవ‌డం వ‌ల్ల మెద‌డు ఆరోగ్యం మెరుగుప‌డుతుంది. జ్ఞాప‌క‌శ‌క్తి పెరుగుతుంది. అధిక రక్తపోటు స‌మ‌స్య అదుపులో ఉంటుంది. శరీరంలో చెడు కొలెస్ట్రాల్ స్థాయిలు త‌గ్గ‌డంతో పాటు గుండె ఆరోగ్యం కూడా మెరుగుప‌డుతుంది. చ‌ర్మ మ‌రియు జుట్టు ఆరోగ్యం మెరుగుప‌డుతుంది. అదే విధంగా మ‌నం ఎండు ద్రాక్ష‌ను కూడా ఆహారంగా తీసుకుంటూ ఉంటాము.
వీటిని ఇష్ట‌ప‌డని వారు ఉండ‌ర‌నే చెప్ప‌వ‌చ్చు. ఎండు ద్రాక్ష‌లో ఐర‌న్ తో పాటు యాంటీ ఆక్సిడెంట్లు కూడా పుష్కలంగా ఉంటాయి. రోజూ రాత్రి 10 నుండి 12 ఎండు ద్రాక్ష‌ల‌ను నీటిలో నాన‌బెట్టాలి. ఉద‌యాన్నే ఎండుద్రాక్ష‌ల‌ను తింటూ ఆ నీటిని తాగాలి. ఇలా తీసుకోవ‌డం వ‌ల్ల చ‌ర్మం కాంతివంతంగా త‌యార‌వుతుంది. గుండె ఆరోగ్యం మెరుగుప‌డుతుంది. శ‌రీరానికి కావల్సినంత ఐర‌న్ ల‌భిస్తుంది. ర‌క్త‌హీన‌త స‌మ‌స్య ద‌రి చేరుకుండా ఉంటుంది. ఈ విధంగా ఈ ఆహార ప‌దార్థాల‌ను నానబెట్టి తీసుకోవ‌డం వ‌ల్ల మ‌న ఆరోగ్యానికి ఎంతో మేలు క‌లుగుతుంద‌ని నిపుణులు చెబుతున్నారు.
