Urine Burning Sensation : మ‌న శ‌రీరంలో 5 లీట‌ర్ల ర‌క్తం ఉంటుంది. ఈ ర‌క్తాన్ని మ‌న రెండు మూత్ర‌పిండాలు గంట‌కు రెండు సార్లు వ‌డ‌క‌డుతూ ఉంటాయి. ర‌క్తంలో ఉన్న కాలుష్యాన్ని, మ‌లినాల‌ను, ఎక్కువ‌గా విట‌మిన్స్ ను, ల‌వ‌ణాల‌ను, కెమిక‌ల్స్ ను వ‌డ‌క‌ట్టి మూత్ర‌పిండాలు మూత్రం ద్వారా బ‌య‌ట‌కు పంపిస్తూ ఉంటాయి. మూత్రం ఎక్కువ‌గా ఉన్న‌ప్పుడు ఈ ల‌వ‌ణాల‌న్నీ మూత్రంలో క‌లిపిన‌ప్ప‌టికి మూత్రం గాఢ‌త త‌క్కువ‌గా ఉంటుంది. అదే మూత్రం త‌క్కువ‌గా ఉండ‌డం వ‌ల్ల ఈ వ్యర్థాల‌న్నీ మూత్రంలో క‌ల‌వ‌డం వ‌ల్ల మూత్రం గాఢ‌త పెరుగుతుంది. ఎక్కువ గాఢ‌త ఉన్న మూత్రాన్ని మ‌నం విస‌ర్జించిన‌ప్పుడు మూత్రం మండుతూ వ‌స్తుంది.
మూత్రం విస‌ర్జించిన త‌రువాత కూడా మండుతుంది. మూత్రం త‌క్కువ‌గా త‌యార‌వ్వ‌డానికి కారణం మ‌నం నీటిని త‌క్కువ‌గా తాగ‌డ‌మే. నీటిని త‌క్కువ‌గా తాగ‌డం వ‌ల్ల మూత్రం త‌క్కువ‌గా త‌యార‌వుతుంది. త‌ద్వారా మూత్రం యొక్క గాఢ‌త పెరిగి మూత్రంలో మంట వ‌స్తుంది. అలాగే మూత్రం కూడా పసుపు రంగులో వ‌స్తుంది. ఇలా మూత్రంలో మంట వ‌చ్చిన‌ప్పుడు చాలా మంది వేడి చేసింది అని భావిస్తూ ఉంటారు. మూత్రంలో మంట, వేడి త‌గ్గ‌డానికి పంచ‌దార క‌లిపిన నీటిని, మ‌జ్జిగ‌ను, స‌బ్జా గింజ‌ల నీటిని తాగుతూ ఉంటారు. అయితే మూత్రంలో మంట త‌గ్గాలంటే వీటికి బ‌దులుగా నీటిని తాగ‌డ‌మే ఉత్త‌మ‌మ‌ని నిపుణులు చెబుతున్నారు. మూత్రంలో మంట రావ‌డానికి కారణం శ‌రీరంలో నీటి శాతం త‌క్కువ‌గా ఉండ‌డ‌మేన‌ని క‌నుక నీటిని తాగ‌డం వ‌ల్ల మాత్ర‌మే మూత్రంలో మంట, వేడి త‌గ్గుతుంద‌ని నిపుణులు చెబుతున్నారు.
మూత్రంలో మంట స‌మ‌స్య త‌గ్గాల‌న్నా అలాగే ఈ స‌మ‌స్య మ‌ర‌లా రాకుండా ఉండాలన్నా రోజూ ఉద‌యం ప‌ర‌గ‌డుపున లీట‌ర్న‌ర నీటిని తాగాలి. ఇలా తాగిన గంట‌న్న‌ర త‌రువాత మ‌రో లీట‌ర్ నీటిని తాగాలి. ఇలా అల్పాహారం తీసుకోవ‌డానికి ముందే నీటిని తాగాలి. మ‌ర‌లా అల్పాహారం తీసుకున్న రెండు గంటల త‌రువాత నీటిని తాగాలి. అల్పాహారం తీసుకున్న రెండు గంటల నుండి భోజ‌నానికి మ‌ధ్య‌లో అర‌గంట‌కొక‌సారి ఒక గ్లాస్ చొప్పున మ‌రో లీట‌ర్ నీటిని తాగాలి. అలాగే భోజ‌నం చేసిన రెండు గంటల త‌రువాత మ‌ర‌లా అర‌గంట‌కొక‌సారి నీటిని తాగాలి. ఇలా తాగ‌డం వ‌ల్ల రోజూ 4 లీట‌ర్ల నీటిని తాగ‌డం వ‌ల్ల మూత్రంలో మంట, వేడి త‌గ్గ‌డంతో పాటు ఈ స‌మ‌స్య మ‌ర‌లా రాకుండా ఉంటుంద‌ని నిపుణులు చెబుతున్నారు.
