Drinking Water : మ‌న శ‌రీరానికి నీరు ఎంతో అవ‌స‌ర‌మ‌ని మ‌నంద‌రికి తెలుసు. ఆహారం వ‌లె నీరు కూడా మ‌న శ‌రీరానికి చాలా అవ‌స‌రం. శరీరంలో జీవ‌క్రియ‌ల‌ను నిర్వ‌హించ‌డంలో, జీర్ణ‌శ‌క్తిని మెరుగుప‌ర‌చ‌డంలో, మూత్రపిండాల ఆరోగ్యాన్ని కాపాడ‌డంలో, శరీరంలో మ‌లినాల‌ను తొల‌గించ‌డంలో ఇలా అనేక విధాలుగా నీరు మ‌న‌కు స‌హాయ‌ప‌డ‌తాయి. మ‌నం రోజుకు 4 నుండి 5 లీట‌ర్ల నీటిని తాగడం చాలా అవ‌స‌రం. అయితే మ‌న‌లో చాలా మందికి నీరు మ‌న ఆరోగ్యానికి మేలు చేస్తుంద‌ని మాత్ర‌మే తెలుసు కానీ మ‌న‌లో చాలా మందికి నీటిని తాగడం వ‌ల్ల మ‌నం సుల‌భంగా బరువు తగ్గవచ్చని మాత్రం తెలియ‌దు. నీటిని తాగడం వ‌ల్ల మ‌నం వేగంగా బరువు తగ్గవచ్చని నిపుణులు చెబుతున్నారు. బరువు త‌గ్గాల‌నుకునే వారు నీటిని తాగడం వ‌ల్ల సుల‌భంగా బరువు తగ్గవచ్చని వారు తెలియ‌జేస్తున్నారు. మ‌న‌కు చిరుతిండిని తినాల‌నిపించిన‌ప్పుడు నీటిని తాగడం వ‌ల్ల క‌డుపు నిండిన భావ‌న క‌లుగుతుంది. ఆక‌లి త‌గ్గుతుంది. దీంతో మ‌నం చిరుతిళ్లు తిన‌కుండా నిరోధించుకోవ‌చ్చు.
అలాగే చ‌ల్ల‌టి నీటిని తాగడం వ‌ల్ల శరీరంలో వేడి పెరుగుతుంది. శ‌రీరం వేడిగా ఉండ‌డానికి ప్ర‌య‌త్నిస్తుంది. దీంతో క్యాల‌రీలు ఖ‌ర్చు అవుతాయి. జీవ‌క్రియ పెరుగుతుంది. అలాగే నీటిని తాగడం వ‌ల్ల మ‌ల‌బ‌ద్ద‌కం, క‌డుపు ఉబ్బ‌రం వంటి స‌మ‌స్య‌లు త‌గ్గుతాయి. శరీరంలో టాక్సిన్ లు తొల‌గిపోతాయి. శరీర ఆరోగ్యం మెరుగుప‌డుతుంది. అలాగే చాలా మంది సోడా, జ్యూస్ లు, శీత‌ల పానీయాలు వంటి వాటిని తాగుతూ ఉంటారు. వీటిని తాగడం వ‌ల్ల బరువు పెరుగుతారు క‌నుక వీటిని తాగాల‌నిపించిన‌ప్పుడు నీటిని తాగడం వ‌ల్ల మ‌నం బరువు పెర‌గ‌కుండా నిరోధించుకోవ‌చ్చు. నీటిలో క్యాల‌రీలు ఉండ‌వు క‌నుక నీరు ఒక ఆరోగ్య‌క‌ర‌మైన ఎంపిక‌గా చెప్ప‌వ‌చ్చు. అలాగే నీటిని తాగడం వ‌ల్ల శరీరంలో కొవ్వు క‌ణాలు విచ్చినం అవుతాయి. కొవ్వు వేగంగా క‌రుగుతుంది. అలాగే వ్యాయామాలు చేసేట‌ప్పుడు నీటిని ఎక్కువ‌గా తాగాలి. నీటిని తాగడం వ‌ల్ల శ‌రీరం హైడ్రేటెడ్ గా ఉంటుంది.
దీంతో ఓర్పు, బ‌లం శ‌రీరానికి చేకూరుతాయి. దీని వ‌ల్ల మ‌నం మ‌రింత ఎక్కువ స‌మ‌యం వ్యాయామం చేయ‌గ‌లం. అలాగే నీటిని తాగడం వ‌ల్ల జీర్ణ‌క్రియ వేగంగా, స‌క్ర‌మంగా ప‌నిచేస్తుంది. దీంతో మ‌నం తీసుకునే ఆహారంలో ఉండే పోష‌కాలు శ‌రీరానికి చ‌క్కగా అందుతాయి. అదే విధంగా నీటిని తాగడం వ‌ల్ల ఆక‌లి త‌గ్గుతుంది. శరీరంలో కొవ్వు నిల్వ‌లు నివారించ‌బ‌డ‌తాయి. ఇక జీవ‌క్రియ‌ల‌ను అదుపులో ఉంచే థైరాయిడ్ గ్రంథికి హైడ్రేటెడ్ గా ఉండ‌డం చాలా అవ‌స‌రం. నీటిని ఎక్కువ‌గా తీసుకోవ‌డం వ‌ల్ల థైరాయిడ్ గ్రంథి హైడ్రేటెడ్ గా ఉంటుంది. దీంతో జీవ‌క్రియ‌లు స‌క్ర‌మంగా నిర్వ‌హించ‌బ‌డ‌తాయి. ఈ విధంగా బరువు త‌గ్గ‌డంలో నీరు మ‌న‌కు ఎంతో స‌హాయ‌ప‌డుతుంద‌ని బరువు త‌గ్గాల‌నుకునే వారు నీటిని ఎక్కువ‌గా తీసుకోవాల‌ని శ‌రీరం ఎల్ల‌ప్పుడూ హైడ్రేటెడ్ గా ఉండేలా చూసుకోవాల‌ని నిపుణులు చెబుతున్నారు.
