Bad Breath Remedies : మ‌న‌లో చాలా మంది నోటి దుర్వాసన స‌మ‌స్య‌తో బాధ‌ప‌డుతూ ఉంటారు. ఈ స‌మ‌స్య కారణంగా మ‌న‌తో పాటు ఇత‌రులు కూడా ఇబ్బంది ప‌డుతూ ఉంటారు. నోటి దుర్వాసన కారణంగా న‌లుగురిలో మాట్లాడ‌డానికి జంకుతూ ఉంటారు. నోటి దుర్వాస‌న‌ను వైద్య ప‌రిభాషలో హ్య‌లిటోసిస్ అంటారు. నోటిలో తేమ ఎక్కువ‌గా ఉండ‌డం, ఉష్ణోగ్ర‌త ఎక్కువ‌గా ఉండ‌డం వ‌ల్ల బ్యాక్టీరియా ఎక్కువ‌గా పెరుగుతుంది. దీంతో నోటి దుర్వాసన స‌మ‌స్య త‌లెత్తుతుంది. అలాగే చిగుళ్ల‌కు సంబంధించిన స‌మ‌స్య‌లు, నాలుక‌కు సంబంధించిన స‌మ‌స్య‌లు, గొంతుకు సంబంధించిన స‌మ‌స్య‌లు, జ్వ‌రం వంటి స‌మ‌స్య‌ల కారణంగా కూడా నోటి దుర్వాసన స‌మ‌స్య త‌లెత్తుతుంది. అలాగే నోరు శుభ్రంగా లేక‌పోవ‌డం, నోటిని రెండు సార్లు శుభ్రం చేసుకోక‌పోవ‌డం, అలాగే స‌రిగ్గా శుభ్రం చేసుకోక‌పోవ‌డం, నోరు పొడి బార‌డం వంటి కార‌ణాల చేత కూడా నోటి దుర్వాసన వ‌స్తుంది.
కొవ్వు ప‌దార్థాలు, ఉల్లిపాయ, వెల్లుల్లి, మాంసం, కోడిగుడ్లు, కాఫీ వంటి ప‌దార్థాల‌ను తీసుకున్న‌ప్పుడు కూడా నోటి దుర్వాసన వ‌స్తుంది. అలాగే నిద్ర‌లేచిన త‌రువాత, ఎక్కువ స‌మ‌యం వ‌ర‌కు మాట్లాడ‌కుండా ఉన్న‌ప్పుడు, ఆహారాన్ని ఎక్కువ స‌మ‌యం వ‌ర‌కు తీసుకోకుండా ఉన్న‌ప్పుడు లాలాజ‌లం విడుద‌ల త‌గ్గి నోటి దుర్వాసన స‌మ‌స్య త‌లెత్తుతుంది. క‌నుక ఏ కారణం చేత నోటి దుర్వాసన స‌మ‌స్య త‌లెత్తుతుందో ముందుగా తెలుసుకోవాలి. త‌రువాత త‌గిన జాగ్ర‌త్త‌లు తీసుకుని స‌మ‌స్య తలెత్త‌కుండా చూసుకోవాలి. అలాగే చాలా మంది ఈ స‌మ‌స్య నుండి బ‌య‌ట‌ప‌డ‌డానికి చుయింగ్ గ‌మ్ ల‌ను న‌ములుతూ ఉంటారు. కొన్ని ఇంటి చిట్కాల‌ను వాడ‌డం వ‌ల్ల మ‌నం ఈ స‌మ‌స్య నుండి చాలా సుల‌భంగా బ‌య‌ట‌ప‌డ‌వ‌చ్చు.
నోటిదుర్వాస‌న స‌మ‌స్య‌తో బాధ ప‌డే వారు దంతాల‌ను రోజుకు రెండు పూట‌లా శుభ్రం చేసుకోవాలి. అలాగే వేప, చండ్ర, తుమ్మ వంటి చెట్టు పుల్ల‌లో గానీ పొడితో గానీ దంతాల‌ను శుభ్రం చేసుకోవాలి. ఇలా చేయ‌డం వ‌ల్ల ఇన్ఫెక్ష‌న్ లు త‌గ్గుతాయి. వీటితో పాటు అతి మ‌ధురం తో తయారు చేసిన క్యాండీల‌ను చ‌ప్ప‌రించాలి. ఇలా చ‌ప్ప‌రించ‌డం వ‌ల్ల లాలాజ‌లం ఎక్కువ‌గా త‌యార‌వుతుంది. దీంతో నోటి దుర్వాసన స‌మ‌స్య త‌గ్గుతుంది. అలాగే ల‌వంగాల‌ను చ‌ప్ప‌రించ‌డం వ‌ల్ల కూడా ఈ స‌మ‌స్య నుండి బ‌య‌ట‌ప‌డ‌వ‌చ్చు. అలాగే దోర జ‌జామ‌కాయ‌ను దంతాల‌తో కొరికి న‌మిలి తిన‌డం వ‌ల్ల కూడా నోటి దుర్వాసన త‌గ్గుతుంది.
అలాగే సోంపు, జీల‌క‌ర్ర, ఏల‌క్కాయ, దాల్చిన చెక్క వంటి వాటిని వ‌క్క‌పొడిలా చేసుకుని న‌ములుతూ ఉండే నోటి ఆరోగ్యం మెరుగుప‌డ‌డంతో పాటు నోటి దుర్వాసన స‌మ‌స్య కూడా త‌గ్గుతుంది. అలాగే త్రిఫ‌ల చూర్ణానికి వంట‌సోడాను క‌లిపి క‌షాయంలా చేసుకోవాలి. త‌రువాత ఈ క‌షాయాన్ని నోట్లో పోసుకుని పుక్కిలిస్తూ ఉండాలి. ఇలా పుక్కిలించ‌డం వ‌ల్ల నోటి దుర్వాసన త‌గ్గుతుంది. ఈ చిట్కాల‌ను పాటించ‌డం వ‌ల్ల మ‌నం చాలా సుల‌భంగా నోటి దుర్వాసన స‌మ‌స్యను అధిగ‌మించ‌వ‌చ్చ‌ని నిపుణులు తెలియ‌జేస్తున్నారు.
