Pigmentation : ఒక చిన్న చిట్కాను ఉప‌యోగించి మ‌నం మ‌న చ‌ర్మంపై వచ్చే మంగు మ‌చ్చ‌ల‌ను, న‌ల్ల మ‌చ్చ‌ల‌ను త‌గ్గించుకోవ‌చ్చు. ఈ చిట్కా త‌యారీలో ఉప‌యోగించిన ప్ర‌తి ప‌దార్థం కూడా మంగు మ‌చ్చ‌ల‌ను త‌గ్గించ‌డంలో మనకు స‌హాయ‌ప‌డుతుంది. మ‌న‌లో చాలా మంది ముఖంపై మంగు మ‌చ్చ‌ల‌తో బాధ‌ప‌డుతూ ఉంటారు. ఇవి ఎక్కువ‌గా ముక్కు మీద, బుగ్గ‌ల మీద, నుదుటి మీద వ‌స్తూ ఉంటాయి. ఎండ‌లో ఎక్కువ‌గా తిర‌గ‌డం, హార్మోన్ల అస‌మ‌తుల్య‌త, పోష‌కాహార లోపం, ఒత్తిడి, వివిధ ర‌కాల అనారోగ్య స‌మ‌స్య‌ల‌కు మందుల‌ను వాడ‌డం, శ‌రీరంలో ఉండే వివిధ ర‌కాల ఇన్ఫెక్ష‌న్స్, శ‌రీరంలో మ‌లినాలు పేరుకుపోవ‌డం వంటి వాటి వ‌ల్ల ముఖంపై మంగు మచ్చలు, న‌ల్ల మచ్చలు వ‌స్తూ ఉంటాయి. ఈ మచ్చలు స్త్రీ, పురుషులిద్ద‌రిలోనూ వ‌స్తాయి. ముఖంపై ఉండే మచ్చలు త‌గ్గి ముఖం అందంగా క‌న‌బ‌డాల‌ని ప్ర‌తి ఒక్క‌రూ కోరుకుంటారు.
అందుకోసం ఎన్నో ప్ర‌య‌త్నాలు చేస్తూ ఉంటారు. ఒక చ‌క్క‌టి సులువైనా చిట్కాను ఉప‌యోగించి మ‌నం చాలా సుల‌భంగా ముఖంపై ఉండే మంగు మ‌చ్చ‌ల‌ను, న‌ల్ల‌మ‌చ్చ‌ల‌ను తొల‌గించుకోవ‌చ్చు. ఈ చిట్కాను త‌యారు చేసుకోవ‌డానికి గానూ మ‌నం మెంతి ఆకుల‌ను ఉప‌యోగించాల్సి ఉంటుంది. మెంతిఆకుల్లో ఉండే ఔష‌ధ గుణాలు మెల‌నిన్ ఉత్ప‌త్తిని త‌గ్గించి చ‌ర్మం తెల్ల‌గా మార‌డంలో స‌హాయ‌ప‌డ‌తాయి. అలాగే మ‌నం బంగాళాదుంప‌ను కూడా ఉప‌యోగించాల్సి ఉంటుంది. బంగాళాదుంప బ్లీచింగ్ ఏజెంట్ గా ప‌ని చేస్తుంది. ఇది చ‌ర్మాన్ని తెల్ల‌గా మార్చ‌డంలో స‌హాయ‌ప‌డుతుంది. ముందుగా బంగాళాదుంప‌పై ఉండే చెక్కును తీసివేయాలి. త‌రువాత ఒక జార్ లో మెంతి ఆకుల‌ను, అర చెక్క బంగాళాదుంప‌ను ముక్క‌లుగా చేసి వేసుకోవాలి. త‌రువాత వీటిని మెత్త‌గా మిక్సీ ప‌ట్టుకోవాలి. ఈ మిశ్ర‌మాన్ని వ‌డ‌క‌ట్టుకుని దాని నుండి వచ్చే ర‌సాన్ని ఒక గిన్నెలోకి తీసుకోవాలి.
త‌రువాత ఈ మిశ్ర‌మంలో ఒక టీ స్పూన్ పెరుగు, ఒక టీ స్పూన్ నిమ్మ‌ర‌సం, ఒక టీ స్పూన్ తేనె, ఒక టీ స్పూన్ ముల్తానీ మ‌ట్టి వేసి క‌ల‌పాలి. ఇలా త‌యారు చేసుకున్న మిశ్ర‌మాన్ని చ‌ర్మానికి రాసుకుని ఆరిన త‌రువాత నీటితో క‌డిగి వేయాలి. ఇలా రోజుకు రెండుసార్లు చేయ‌డం వ‌ల్ల మంచి ఫ‌లితం ఉంటుంది. ఈ చిట్కాను వాడిన ప‌ది నుండి ప‌దిహేను రోజుల్లోనే మ‌నం ముఖంలో వచ్చే మార్పును మ‌నం గ‌మ‌నించ‌వ‌చ్చు. ఈ చిట్కాను వాడ‌డం వ‌ల్ల ముఖంపై ఉండే మంగు మచ్చలు, న‌ల్ల మచ్చలు త‌గ్గుతాయి. ఎండ వ‌ల్ల న‌ల్ల‌గా మారిన చ‌ర్మం తిరిగి సాధార‌ణ స్థితికి చేరుకుంటుంది. ఈ చిట్కాను వాడ‌డం వ‌ల్ల మ‌నం ఎటువంటి దుష్ప్ర‌భావాలు లేకుండా చాలా సుల‌భంగా ముఖంపై ఉండే మంగు మ‌చ్చ‌ల‌ను త‌గ్గించుకోవ‌చ్చు.
