కొన్ని సార్లు మన కళ్లు వివిధ కారణాల వల్ల ఎంతో అలసిపోయి ఎరుపుగా మారుతాయి. మన శరీరంలో కళ్ళు ఎంతో సున్నితమైన భాగాలు కావడంతో ఎక్కువగా కంటిని చేతితో తాకలేము. అయితే ఈ విధమైన సమస్య వల్ల ఎంతో ఇబ్బంది పడుతుంటారు. చాలామందిలో డ్రై ఐ సిండ్రోమ్, అలర్జీ, కంప్యూటర్ ముందు ఎక్కువసేపు కూర్చోవడం, కంటికి గాయాలు అవడం, ధూమపానం చేయడం, జలుబు, ఫ్లూ వంటి వాటి ద్వారా కళ్ళు ఎంతో అలసిపోయి ఎర్రగా మారుతుంటాయి.
ఈ విధంగా కళ్ళు అలసిపోవడానికి గల కారణాలను గుర్తించి ఆ తరువాత తగిన చికిత్స అందించాలి. ఈ విధంగా అలసిపోయిన కళ్ళకు చికిత్స చేయడానికి ఉపయోగపడే కొన్ని ఇంటి చిట్కాల గురించి ఇక్కడ తెలుసుకుందాం.
1. చికాకు చెందిన కళ్ళు ఉపశమనం పొందడానికి కమోమిల్‌ ఐ వాష్ ఎంతో ఉపయోగకరం అని చెప్పవచ్చు. ఇది మన కంటిలో పడిన దుమ్ము, ధూళి కణాలను తొలగించడమేకాకుండా కళ్ళకు చల్లదనాన్ని కల్పిస్తుంది. ముందుగా ఒక గిన్నెలో ఒక కప్పు నీటిని పోసి బాగా మరిగించాలి. ఆ నీటిలో ఒక టేబుల్ స్పూన్ ఎండిన కమోమిల్‌ ఆకులను వేసి 3-4 నిమిషాల పాటు ఉడికించాలి. తరువాత ఆ నీటిని చల్లబరిచి వాటితో కళ్లను శుభ్రం చేసుకోవడం వల్ల కళ్ల మంటలు తగ్గిపోతాయి.
2. కంటికి కలిగిన అసౌకర్యం నుంచి విముక్తి చేయడానికి ఆముదం ఒక మంచి ఔషధంగా ఉపయోగపడుతుంది. ఆముదం నూనె కంటికి కలిగిన అసౌకర్యాన్ని, చికాకును తొలగిస్తుంది. ఆముదం నూనె కంటిలో వేసుకున్నప్పుడు కొద్దిగా మంట అనిపించినప్పటికీ ఇది మంచి ఔషధంగా పనిచేస్తుంది.
3. సూర్యుడి నుంచి వెలువడే కిరణాల వల్ల కళ్ళు చికాకుగా అనిపిస్తే అతి నీలలోహిత కిరణాల నుంచి కళ్లను రక్షించుకోవడం కోసం సన్ గ్లాసెస్ ఉపయోగించడం ఎంతో ఉత్తమం. దుమ్ము, వాయు కాలుష్యం నుంచి సన్ గ్లాసెస్ మన కళ్లను రక్షిస్తాయి. అదేవిధంగా ఈతకు వెళ్లే వారు తప్పకుండా గాగుల్స్ ధరించడం వల్ల కళ్ళను కాపాడుకోవచ్చు.
4. కళ్ళు ఎర్రగా ఉండి అలసిపోయినప్పుడు కీర దోసకాయ ముక్కలను కళ్లపై 20 నిమిషాలపాటు ఉంచడం వల్ల కళ్లకు చల్లదనం కలుగుతుంది. కళ్లు తాజాగా మారుతాయి.
5. ఎర్రగా మారిన కళ్ళకు రోజ్ వాటర్ ఒక మంచి చికిత్సగా ఉపయోగపడుతుంది. శుభ్రమైన డ్రాపర్ సహాయంతో మూడు నుండి నాలుగు చుక్కలు రోజ్ వాటర్ ను ప్రతి కంటిలో వేసుకోవాలి. ఈ విధంగా చేయటం వల్ల మన కంటిలో ఉన్న మలినాలు తొలగిపోయి కళ్ళకు ప్రశాంతత కలుగుతుంది. కళ్లు చల్లగా అవుతాయి.
ఎప్ప‌టిక‌ప్పుడు అప్‌డేట్స్ కోసం టెలిగ్రామ్‌లో మ‌మ్మ‌ల్ని ఫాలో అవ్వండి: Ayurvedam365
