క్రీడ‌లు ఆడిన‌ప్పుడు, వ్యాయామం చేసిన‌ప్పుడు, ప‌లు ఇతర సంద‌ర్భాల్లో మ‌న‌కు గాయాలు అవుతుంటాయి. దీంతో ర‌క్త స్రావం అయి నొప్పి క‌లుగుతుంది. సాధార‌ణంగా గాయాలు త‌గ్గేందుకు ఎవ‌రైనా స‌రే ఇంగ్లిష్ మెడిసిన్ వాడుతుంటారు. కానీ ఇంట్లో ల‌భించే స‌హ‌జ‌సిద్ధ‌మైన ప‌దార్థాల‌తోనే గాయాల‌ను సుల‌భంగా న‌యం చేసుకోవ‌చ్చు. దీంతో ఎలాంటి సైడ్ ఎఫెక్ట్స్ ఉండ‌వు. మ‌రి గాయాలు త్వ‌ర‌గా మానేందుకు పాటించాల్సిన ఆ చిట్కాలు ఏమిటో ఇప్పుడు తెలుసుకుందామా..!
1. గాయాల‌ను, వాటి వ‌ల్ల క‌లిగే నొప్పిని త‌గ్గించేందుకు ఆముదం బాగా ప‌నిచేస్తుంది. ఒక టీస్పూన్ ఆముదాన్ని తీసుకుని కొద్దిగా వేడి చేసి దాంతో గాయాల‌పై మ‌ర్ద‌నా చేయాలి. గాయం అయిన భాగాన్ని వ‌స్త్రంతో క‌వ‌ర్ చేయాలి. క‌ట్టులా క‌ట్టాలి. 20-30 నిమిషాల త‌రువాత క‌ట్టు తీసేయాలి. దీంతో నూనె లోప‌లికి ఇంకుతుంది. ఫ‌లితంగా గాయాలు త్వ‌ర‌గా మానుతాయి.
2. ప‌సుపులో యాంటీ ఇన్‌ఫ్లామేట‌రీ ల‌క్ష‌ణాలు ఉంటాయి. ఇవి అన్ని ర‌కాల గాయాల‌ను మానేలా చేస్తాయి. నొప్పులు, వాపుల‌ను త‌గ్గిస్తాయి. అర టీస్పూన్ ప‌సుపును ఒక గ్లాస్ గోరు వెచ్చ‌ని పాల‌లో క‌లుపుకుని రోజుకు రెండు సార్లు తాగాలి. అలాగే కొద్దిగా ప‌సుపు, నెయ్యిల‌ను తీసుకుని బాగా క‌లిపి పేస్ట్ లా చేయాలి. ఆ మిశ్ర‌మాన్ని గాయం అయిన భాగంపై రాయాలి. దానిపై బ్యాండేజ్ వేయాలి. ఇలా రోజుకు 2 సార్లు చేయాలి. దీంతో గాయాలు త్వ‌ర‌గా మానుతాయి.
3. అల్లంలోనూ యాంటీ ఇన్‌ఫ్లామేట‌రీ ల‌క్ష‌ణాలు ఉంటాయి. ఇవి గాయాలు త్వ‌ర‌గా మానేలా చేస్తాయి. రోజు వారీ ఆహారంలో అల్లంను చేర్చుకుంటే గాయాలు త్వ‌ర‌గా మానుతాయి. అలాగే అల్లంతో త‌యారు చేసిన డికాష‌న్‌ను కూడా తాగ‌వ‌చ్చు. బ‌కెట్ గోరు వెచ్చ‌ని నీటిలో 2-3 టేబుల్ స్పూన్ల అల్లం రసం వేసి ఆ నీటితో స్నానం చేయాలి. దీంతో నొప్పులు త‌గ్గుతాయి. గాయాలు మానుతాయి. అయితే సున్నిత‌మైన చ‌ర్మం ఉన్న‌వారు అల్లం రసం క‌లిపిన నీటితో స్నానం చేయ‌రాదు. లేదంటే చ‌ర్మంపై ద‌ద్దుర్లు వ‌చ్చేందుకు అవ‌కాశం ఉంటుంది.
4. కండ‌రాల నొప్పుల‌కు ఆవ‌నూనె బాగా ప‌నిచేస్తుంది. ఆవ‌నూనెను కొద్దిగా తీసుకుని వేడి చేసి నొప్పి ఉన్న ప్ర‌దేశంలో మ‌సాజ్ చేస్తూ రాయాలి. 15 నిమిషాల పాటు నూనెను మ‌ర్ద‌నా చేయాలి. దీంతో నొప్పి, వాపు త‌గ్గుతాయి.
5. గాయాలు అయిన‌వారు, నొప్పులు ఉన్న‌వారు పైనాపిల్‌, దానిమ్మ పండ్ల జ్యూస్‌ను తాగితే మేలు. వీటిల్లో యాంటీ ఇన్‌ఫ్లామేట‌రీ, యాంటీ ఇర్రిటెంట్ ల‌క్ష‌ణాలు ఉంటాయి. దీని వ‌ల్ల గాయాలు త్వ‌ర‌గా మానుతాయి. రెండింటిలో ఏ జ్యూస్‌ను అయినా స‌రే త‌యారు చేసి అందులో కొద్దిగా అల్లం రసం, ప‌సుపు క‌లిపి తాగితే మంచిది. రోజుకు రెండు సార్లు ఇలా తాగితే గాయాలు త్వ‌ర‌గా మానుతాయి. నొప్పులు త‌గ్గుతాయి.
ఎప్ప‌టిక‌ప్పుడు అప్‌డేట్స్ కోసం టెలిగ్రామ్‌లో మ‌మ్మ‌ల్ని ఫాలో అవ్వండి: Ayurvedam365
