ఒక కిరాణా షాపు అత‌ను తన షాపు కట్టేస్తూ ఉండగా…అక్కడికి ఒక కుక్క వచ్చింది. దాని నోట్లో సరుకుల లిస్టు, డబ్బునోట్లు ఉన్నాయి. షాపు అత‌ను ఆశ్చర్యపోతూనే… లిస్ట్ చదివి సరుకులన్నీ సంచిలో ప్యాక్ చేసి దాని నోటికందించాడు. అది అక్కడినుంచి కదిలింది. షాపు అత‌నికి ఇదంతా ఎంతో ముచ్చటగా అనిపించింది. షాపు కట్టేసి కుక్కని ఫాలో అయ్యాడు. కుక్క చాలా క్రమశిక్షణతో గ్రీన్‌ లైట్ దగ్గర ఆగి, రెడ్‌ లైట్ వెలిగాక రోడ్ క్రాస్ చేసి బస్ స్టాప్ లో నిలబడింది. వస్తున్న బస్సుల నెంబర్లు అన్నీ చదివి తనకి కావలసిన బస్ రాగానే ఎక్కింది. కిరాణా షాపు యజమాని ఇంకా ఆశ్చర్యంతో దాన్ని అనుసరిస్తూనే ఉన్నాడు.
తాను దిగాల్సిన బస్ స్టాప్ దగ్గర దిగి, ఇంటిమెట్ల మీద కిరాణా సామాను పెట్టి కాలెత్తి కాలింగ్ బెల్ కొట్టడానికి ప్రయత్నించింది. అది ఎత్తుగా ఉండటంతో అందలేదు. కాళ్ళతో తలుపుని కొట్టింది. ఆ చప్పుడు బహుశా ఇంట్లో వాళ్ళకి వినపడలేదనుకుంట. ఎవరూ వచ్చి తలుపు తీయలేదు. కుక్క ఇంటి పక్కవైపు వెళ్ళి… బెడ్ రూం కిటికీ పైకి ఎక్కింది. కిటికీ తలుపుల్ని తలతో గట్టిగా బాదసాగింది. లోపల ఎవరో కదిలిన అలికిడి వినిపించిన తరువాత క్రిందికి గెంతి డోర్ దగ్గరికి తిరిగి వచ్చింది. షాపు అత‌ను ఈ చర్యలన్నీ నమ్మలేనంత సంబరంతో చూస్తున్నాడు. అప్పుడే నిద్రలోంచి లేచి బయటకొచ్చిన ఇంటియజమాని ఆ కుక్కని బూతులు తిడుతూ కాలితో తన్న సాగాడు.
ఆ కిరాణా అత‌ను చప్పున పరిగెత్తుకుంటూ వెళ్ళి ఏం చేస్తున్నావయ్యా నువ్వు? అసలు బుద్దుందా? ఏమైనా తెలుస్తుందా? ఈ కుక్క అద్బుతమైన తెలివి తేటలు గల కుక్క. సినిమాల్లో అయితే లక్షలు సంపాదించగలదు. అసలిలాంటి తెలివైనకుక్కని ఈ ప్రపంచం లోనే చూడలేం అన్నాడు చాలా ఉద్వేగంగా. ఆ యజమాని దానికి సమాదానం ఇస్తూ.. ఇది తెలివైందా? ఇది బయటికి వెళ్తున్నప్పుడు… ఇంటి తాళం చెవి తీసుకు వెళ్ళకుండా వెళ్ళి, తిరిగొచ్చి ,పడుకున్న నన్ను డిస్టర్బ్ చేయటం ఈ వారంలో ఇది రెండో సారి అన్నాడు.
నీతి: నీకెన్ని తెలివితేటలున్నా నీ పై అధికారికి లేదా మ‌నిషికి నువ్వు నచ్చకపోతే అవి వృథా. నీలో ఎన్ని మంచి గుణాలున్నా నీ భర్త గానీ, భార్య గానీ కుటుంబ సభ్యులు గానీ వాటిని గుర్తించకపోతే వృథా. అలా గుర్తించని వారి వద్ద ప్రత్యేక గుర్తింపుల కోసం ఆశిస్తూ.. కాలయాపనలు చేస్తూ నిరుత్సాహంతో నీరసపడి కూర్చుని వుండక నీ అవసరం వున్న చోట … నీ తెలివి తేటలు నీ శక్తి సామర్థ్యాలు చూపించి..కీర్తిని గడించి..జీవితంలో ఎదగడం నేర్చుకోండి.
