మొబైల్స్ త‌యారీదారు లావా నూత‌నంగా యువ 2 5జి పేరిట ఓ స్మార్ట్ ఫోన్‌ను లాంచ్ చేసింది. ఇందులో అనేక ఆక‌ట్టుకునే ఫీచ‌ర్ల‌ను అందిస్తున్నారు. యువ సిరీస్‌లో వ‌చ్చిన లేటెస్ట్ బ‌డ్జెట్ ఫోన్ ఇదే కావ‌డం విశేషం. ఈ ఫోన్‌లో 6.67 ఇంచుల హెచ్‌డీ ప్ల‌స్ రిజ‌ల్యూష‌న్ క‌లిగిన డిస్‌ప్లేను ఇచ్చారు. దీనికి 90 హెడ్జ్ రిఫ్రెష్ రేట్ ల‌భిస్తుంది. అందువ‌ల్ల ఫోన్ డిస్‌ప్లే చాలా క్వాలిటీగా ఉంటుంది. అలాగే ఈ ఫోన్‌లో యూనిసోక్ టి60 ఆక్టాకోర్ ప్రాసెస‌ర్‌ను ఏర్పాటు చేశారు. ఈ ఫోన్‌లో 4జీబీ ర్యామ్ ల‌భిస్తోంది. స్టోరేజ్‌ను 128జీబీ ఇచ్చారు. మెమొరీని 512జీబీ వ‌ర‌కు మైక్రో ఎస్‌డీ కార్డు ద్వారా పెంచుకోవ‌చ్చు.
ఈ ఫోన్‌లో యూజ‌ర్ల‌కు ఆండ్రాయిడ్ 14 ఆప‌రేటింగ్ సిస్ట‌మ్ ల‌భిస్తుంది. ఇందులో డ్యుయ‌ల్ సిమ్‌ను వేసుకోవ‌చ్చు. వెనుక వైపు 50 మెగాపిక్స‌ల్ మెయిన్ కెమెరా ఉంది. మ‌రో 2 మెగాపిక్స‌ల్ ఏఐ కెమెరాను సైతం ఏర్పాటు చేశారు. ఈ కెమెరాల‌కు ఫ్లాష్ స‌దుపాయం క‌ల్పించారు. ముందు వైపు 8 మెగాపిక్స‌ల్ కెపాసిటీ ఉన్న సెల్ఫీ కెమెరాను ఇచ్చారు. ఫింగ‌ర్ ప్రింట్ సెన్సార్ సైడ్ కి ఉంటుంది. ఈ ఫోన్‌లో 3.5 ఎంఎం ఆడియో జాక్ సైతం ఉంది. ఎఫ్ఎం రేడియోను వాడుకోవ‌చ్చు.
ఈ ఫోన్‌లో 5జికి స‌పోర్ట్‌ను అందిస్తున్నారు. డ్యుయ‌ల్ బ్యాండ్ వైఫై ల‌భిస్తుంది. బ్లూటూత్ 5.2 అందుబాటులో ఉంది. యూఎస్‌బీ టైప్ సి పోర్టును ఇచ్చారు. దీంతో ఫోన్‌ను చార్జింగ్ చేసుకోవ‌చ్చు. ఇందులో 5000 ఎంఏహెచ్ కెపాసిటీ ఉన్న బ్యాట‌రీ కూడా ఉంది. దీనికి 18 వాట్ల ఫాస్ట్ చార్జింగ్‌ను అందిస్తున్నారు. ఇక ఈ ఫోన్ ధ‌ర విష‌యానికి వ‌స్తే.. రూ.9499 ధ‌ర‌కు ఈ ఫోన్‌ను కొనుగోలు చేయ‌వ‌చ్చు. మార్బుల్ బ్లాక్ అండ్ మార్బుల్ వైట్ క‌ల‌ర్ వేరియెంట్ల‌లో ఈ ఫోన్ లాంచ్ అయింది. ఈ ఫోన్‌ను ఆన్‌లైన్‌, ఆఫ్‌లైన్ స్టోర్స్‌లో కొనుగోలు చేయ‌వ‌చ్చు.
