మెగా ప‌వర్ స్టార్ రామ్ చ‌ర‌ణ్ తేజ, యంగ్ టైగ‌ర్ ఎన్‌టీఆర్ లు ప్ర‌ధాన పాత్ర‌ల్లో వ‌స్తున్న చిత్రం.. RRR. ఈ సినిమా ఈ నెల 25వ తేదీన ప్ర‌పంచ‌వ్యాప్తంగా భారీ ఎత్తున థియేట‌ర్ల‌లో రిలీజ్ కానుంది. సంక్రాంతికే ఈ మూవీని విడుద‌ల చేయాల్సి ఉంది. కానీ క‌రోనా కార‌ణంగా వాయిదా ప‌డింది. ఇక ప్ర‌స్తుతం క‌రోనా ప్ర‌భావం లేదు క‌నుక మేకర్స్ ఇదే తేదీకి క‌చ్చితంగా సినిమాను విడుద‌ల చేయాల‌ని నిర్ణ‌యించారు. అందులో భాగంగానే RRR మూవీ గ్రాండ్‌గా విడుద‌ల కాబోతోంది.
అయితే ఈ మూవీకి ఇప్ప‌టి వ‌ర‌కు చిన్న చిన్న ప్ర‌మోష‌న‌ల్ కార్య‌క్ర‌మాలు నిర్వ‌హించారు కానీ.. ప్రీ రిలీజ్ ఈవెంట్‌ను నిర్వ‌హించ‌లేదు. గ‌తంలో దుబాయ్‌లో భారీ ఎత్తున ఈ ఈవెంట్‌ను నిర్వ‌హిద్దామ‌నుకున్నారు. కానీ క‌రోనా వ‌ల్ల నిర్వ‌హించ‌లేక‌పోయారు. అయితే ఎట్ట‌కేల‌కు ఈ సినిమా ప్రీ రిలీజ్ ఈవెంట్‌ను నిర్వ‌హించ‌నున్నారు. ఈ నెల 20వ తేదీన బెంగ‌ళూరులో ఈ ఈవెంట్ జ‌ర‌గ‌నుంది. సినిమా విడుద‌ల‌కు 5 రోజుల ముందు ఈ ఈవెంట్‌ను గ్రాండ్‌గా నిర్వ‌హించేందుకు మేకర్స్ ప్లాన్ చేస్తున్నారు.
ఇక ఈ సినిమాలో ఆలియాభ‌ట్‌, అజ‌య్‌దేవ‌గ‌న్ వంటి బాలీవుడ్ స్టార్స్ కూడా న‌టించారు. శ్రియ మ‌రొక ముఖ్య పాత్ర‌లో కనిపించ‌నుంది. ఈ సినిమా నుంచి ఇప్ప‌టికే విడుద‌లైన టీజర్‌, సాంగ్స్‌, ట్రైల‌ర్ లు ఎంత‌గానో ఆక‌ట్టుకుంటున్నాయి. దీంతో ఈ సినిమాపై ప్రేక్ష‌కుల్లో భారీ అంచ‌నాలు నెల‌కొన్నాయి.
