Spicy Boti Curry : మాంసాహార ప్రియుల‌కు బోటి గురించి ప్ర‌త్యేకంగా చెప్ప‌వ‌ల‌సిన ప‌ని లేదు. బోటితో కూర, వేపుడు వంటి వాటిని త‌యారు చేసి తీసుకుంటూ ఉంటాము. బోటి కూర చాలా రుచిగా ఉంటుంది. చాలా మంది దీనిని ఇష్టంగా తింటారు. బోటి కూర‌ను త‌యారు చేయ‌డం చాలా సుల‌భం. కింద చెప్పిన విధంగా చేయ‌డం వల్ల ఎక్కువ గ్రేవీతో చాలా రుచిగా ఈ కూర‌ను త‌యారు చేసుకోవ‌చ్చు. మొద‌టిసారి చేసే వారు కూడా ఈ కూర‌ను చాలా సుల‌భంగా త‌యారు చేసుకోవ‌చ్చు. అంద‌రికి న‌చ్చేలా బోటికూర‌ను ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
బోటి కూర త‌యారీకి కావ‌ల్సిన ప‌దార్థాలు..
బోటి – అర‌కిలో, ఎండకొబ్బ‌రి ముక్క – పావు ముక్క, అల్లం – ఒక ఇంచు ముక్క, వెల్లుల్లి రెబ్బ‌లు – 15, యాల‌కులు – 3, ల‌వంగాలు – 5, దాల్చిన చెక్క – ఒక ఇంచు ముక్క, ఉల్లిపాయ ముక్కలు – ఒక క‌ప్పు, నూనె – 4 టేబుల్ స్పూన్, బిర్యానీ ఆకు – 1, త‌రిగిన ప‌చ్చిమిర్చి – 2, ప‌సుపు – పావు టీ స్పూన్, ఉప్పు – త‌గినంత, కారం – 3 టేబుల్ స్పూన్స్, ధ‌నియాల పొడి – ఒక టేబుల్ స్పూన్, గ‌రం మ‌సాలా – ఒక టీ స్పూన్, నీళ్లు – త‌గిన‌న్ని, కొత్తిమీర – కొద్దిగా.
బోటి కూర త‌యారీ విధానం..
ముందుగా నీటిలో ఉప్పు, ప‌సుపు, బోటి వేసి 4 నిమిషాల పాటు ఉడికించాలి. త‌రువాత బోటిని వ‌డ‌క‌ట్టి ప‌క్క‌కు ఉంచాలి. ఎండుకొబ్బ‌రిని పొడిగా చేసుకోవాలి. త‌రువాత ఒక జార్ లో అల్లం, వెల్లుల్లి రెబ్బ‌లు, యాల‌కులు, దాల్చిన చెక్క, ల‌వంగాలు వేసి మెత్త‌గా మిక్సీ ప‌ట్టుకుని గిన్నెలోకి తీసుకోవాలి. త‌రువాత ఉల్లిపాయ ముక్కలు వేసి మిక్సీ ప‌ట్టుకోవాలి. ఇప్పుడు కుక్క‌ర్ లో నూనె వేసి వేడి చేయాలి. త‌రువాత బిర్యానీ ఆకు, ప‌చ్చిమిర్చి వేసి వేయించాలి. త‌రువాత ఉల్లిపాయ పేస్ట్, ప‌సుపు వేసి వేయించాలి. త‌రువాత మిక్సీ ప‌ట్టుకున్న అల్లం మిశ్ర‌మం వేసి వేయించాలి. త‌రువాత బోటి వేసి కలపాలి.
దీనిపై మూత పెట్టి 4 నిమిషాల పాటు వేయించాలి. త‌రువాత ఉప్పు, కారం, ప‌సుపు, ధ‌నియాల పొడి, గ‌రం మ‌సాలా, కొబ్బ‌రి పొడి వేసి కలపాలి. దీనిపై మూత పెట్టి మ‌రో 4 నిమిషాల పాటు వేయించాలి. త‌రువాత నీళ్లు పోసి కలపాలి. త‌రువాత కొత్తిమీర వేసి మూత పెట్టి 8 నుండి 9 విజిల్స్ వ‌చ్చే వ‌ర‌కు ఉడికించి స్ట‌వ్ ఆఫ్ చేసుకోవాలి. త‌రువాత మూత తీసి అంతాక‌లిసేలా క‌లుపుకుని స‌ర్వ్ చేసుకోవాలి. ఇలా చేయ‌డం వల్ల ఎంతో రుచిగా ఉండే బోటి కూర త‌యార‌వుతుంది. దీనిని అన్నం, చ‌పాతీ, రోటీ వంటి వాటితో తింటే చాలా రుచిగా ఉంటుంది.
