Tamarind Egg Curry : రుచిలో పుల్ల‌గా ఉంటుంది కానీ చింతపండు మ‌న‌కు చేసే మేలు అంతా ఇంతా కాదు. దీంతో మ‌న‌క అనేక ఆరోగ్య‌క‌ర‌మైన ప్ర‌యోజ‌నాలు క‌లుగుతాయి. అయితే చింతపండు మాత్రమే కాదు.. పచ్చి చింత కాయ‌ల‌తోనూ మ‌న‌కు లాభాలు క‌లుగుతాయి. వీటిని సాధార‌ణంగా చాలా మంది వంటల్లో వేస్తుంటారు. పచ్చి చింత‌కాయ‌ల‌తో చారు, ప‌ప్పు వంటివి చేస్తుంటారు. ఇవి ఎంతో రుచిగా ఉంటాయి. అయితే పచ్చి చింత‌కాయ‌ల‌తో కోడిగుడ్ల పులుసును కూడా చేయ‌వచ్చు. ఇది అద్భుత‌మైన రుచిని క‌లిగి ఉంటుంది. దీన్ని ఎలా త‌యారు చేయాలో ఇప్పుడు తెలుసుకుందాం.
చింత‌కాయ‌లు కోడిగుడ్ల పులుసు త‌యారీకి కావ‌ల్సిన ప‌దార్థాలు..
చింత‌కాయ‌లు – మూడు, కోడిగుడ్లు – మూడు (ఉడ‌క‌బెట్టిన‌వి), ఉల్లిగ‌డ్డ‌లు – నాలుగు, ప‌చ్చిమిర్చి – 3, క‌రివేపాకు రెబ్బ‌లు – 5.
చింత‌కాయ‌లు కోడిగుడ్ల పులుసును త‌యారు చేసే విధానం..
చింత‌కాయ‌ల‌ను ఉడికించి ప‌క్క‌న పెట్టాలి. పాన్‌లో నూనె వేసి కాగాక ఉల్లిగ‌డ్డ తరుగు (పెద్ద ముక్క‌లు), పచ్చి మిర్చి, క‌రివేపాకు వేసి వేయించాలి. ఉల్లిగ‌డ్డ ముక్క‌లు కాస్త రంగు మారిన త‌రువాత అందులో ప‌సుపు, ఉప్పు, కారం వేయాలి. ఆ త‌రువాత ఉడికించిన చింత‌కాయ‌ల‌ను నీళ్ల‌తో స‌హా ఉల్లిగ‌డ్డ‌ల్లో పోయాలి. ఈ పులుసు మ‌రుగుతున్న‌ప్పుడు గుడ్లు, ధనియాల పొడి వేసి 10 నిమిషాలు మ‌రిగిస్తే చింత‌కాయ గుడ్ల పులుసు రెడీ అయినట్లే. ఇది అన్నం లేదా చ‌పాతీల్లో ఎంతో రుచిగా ఉంటుంది.
