Viral Video : అల్లు అర్జున్, ర‌ష్మిక మంద‌న్న హీరో హీరోయిన్లుగా న‌టించిన చిత్రం.. పుష్ప. బాక్సాఫీస్ రికార్డుల‌ను తిర‌గరాసింది. పాన్ ఇండియా స్థాయిలో విడుద‌లైన ఈ మూవీకి విమ‌ర్శ‌కుల నుంచి ప్ర‌శంస‌లు ల‌భిస్తున్నాయి. ఇక ఈ చిత్రంలోని ఊ అంటావా పాట‌కు ప్రేక్షకుల నుంచి ఎంతో ఆద‌ర‌ణ ల‌భిస్తోంది. స‌మంత ఈ పాట‌కు డ్యాన్స్ చేసి ఆక‌ట్టుకుంది. ఇక ఊ అంటావా.. పాట‌ను ఇప్ప‌టికే చాలా మంది పాడారు.
తాజాగా ఓ డ‌చ్ సింగర్ ఊ అంటావా.. పాట‌ను ఎంతో చక్కగా ఆల‌పించింది. డ‌చ్ సింగర్ ఎమ్మా హీస్ట‌ర్స్ ఊ అంటావా పాట‌ను పాడింది. అస‌లు ఆమె పాడుతుంటే ఎవ‌రో తెలుగ‌మ్మాయి ఆల‌పించిన‌ట్లు ఉంది. కానీ ఒక విదేశీయురాలు ఈ పాట‌ను పాడింద‌ని ఎవరు అనుకోవ‌డం లేదు. అంత చక్కగా ఈమె పాట‌ను పాడింది.
View this post on Instagram
ఇక పుష్ప సినిమాలోని శ్రీ‌వ‌ల్లి పాట‌కు అల్లు అర్జున్ వేసిన స్టెప్‌ను కూడా చాలా మంది అనుక‌రిస్తున్నారు. ఇత‌ర సెల‌బ్రిటీలతోపాటు క్రికెట‌ర్లు కూడా ఈ పాట‌కు స్టెప్పులు వేసి అల‌రిస్తున్నారు. వారి వీడియోలు కూడా వైర‌ల్ అవుతున్నాయి.
