Palakura Pappu : పాల‌కూర.. మ‌నం ఆహారంగా తీసుకునే ఆకుకూర‌ల్లో ఇది కూడా ఒక‌టి. పాల‌కూర మ‌న ఆరోగ్యానికి ఎంతో మేలు చేస్తుంది. దీనిని ఆహారంలో భాగంగా తీసుకోవ‌డం వ‌ల్ల మ‌నం అనేక ఆరోగ్య ప్ర‌యోజ‌నాల‌ను పొంద‌వ‌చ్చు. పాల‌కూర‌తో మ‌నం ర‌క‌ర‌కాల వంట‌కాల‌ను త‌యారు చేస్తూ ఉంటాము. పాల‌కూర‌తో ఎక్కువ‌గా చేసే వంటకాల్లో పాల‌కూర పప్పు కూడా ఒక‌టి. పాల‌కూర పప్పు చాలా రుచిగా ఉంటుంది. ఈ ప‌ప్పును ఇష్ట‌ప‌డని వారు ఉండ‌ర‌నే చెప్ప‌వ‌చ్చు. పాల‌కూర ప‌ప్పును త‌యారు చేయ‌డం చాలా సుల‌భం. ఎవ‌రైనా చాలా తేలిక‌గా దీనిని త‌యారు చేసుకోవ‌చ్చు. మ‌రింత రుచిగా, క‌మ్మ‌గా పాల‌కూర ప‌ప్పును ఎలా త‌యారు చేసుకోవాలో ఇప్పుడు తెలుసుకుందాం.
పాల‌కూర పప్పు త‌యారీకి కావ‌ల్సిన ప‌దార్థాలు..
కందిప‌ప్పు – ఒక క‌ప్పు, నీళ్లు – రెండున్న‌ర క‌ప్పులు, ప‌సుపు – అర టీ స్పూన్, త‌రిగిన ఉల్లిపాయ – 1, త‌రిగిన ప‌చ్చిమిర్చి – 6 లేదా త‌గిన‌న్ని, చింత‌పండు – నిమ్మకాయంత, త‌రిగిన పాల‌కూర – 3 క‌ట్ట‌లు, నూనె – ఒక టీ స్పూన్, ఉప్పు – త‌గినంత.
తాళింపు త‌యారీకి కావ‌ల్సిన ప‌దార్థాలు..
నూనె- ఒక టేబుల్ స్పూన్, ఆవాలు- అర టీ స్పూన్, జీల‌క‌ర్ర – అర టీ స్పూన్, వెల్లుల్లి రెబ్బ‌లు – 6, ఎండుమిర్చి – 2, క‌రివేపాకు – ఒక రెమ్మ, ఇంగువ – కొద్దిగా.
పాల‌కూర పప్పు త‌యారీ విధానం..
ముందుగా కుక్క‌ర్ లో కందిప‌ప్పును తీసుకుని శుభ్రంగా క‌డ‌గాలి. త‌రువాత ఇందులో ఉప్పు త‌ప్ప మిగిలిన ప‌దార్థాలు వేసి క‌ల‌పాలి. త‌రువాత కుక్క‌ర్ మూత పెట్టి 3 నుండి 4 విజిల్స్ వ‌చ్చే వ‌ర‌కు ఉడికించి స్ట‌వ్ ఆప్ చేసుకోవాలి. త‌రువాత ప‌ప్పును మెత్త‌గా చేసుకోవాలి. ఇందులో త‌గినంత ఉప్పు వేసి క‌ల‌పాలి. ఇప్పుడు క‌ళాయిలో తాళింపుకు నూనె వేసి వేడి చేయాలి. నూనె వేడ‌య్యాక తాళింపు దినుసుల‌ను ఒక్కొక్క‌టిగా వేసి వేయించాలి. తాళింపు చ‌క్క‌గా వేగిన త‌రువాత దీనిని ప‌ప్పులో వేసి క‌ల‌పాలి. ఇలా చేయ‌డం వ‌ల్ల ఎంతో రుచిగా ఉండే పాల‌కూర పప్పు త‌యార‌వుతుంది. దీనిని అన్నంతో పాటు చ‌పాతీ, రోటీ వంటి వాటితో కూడా తిన‌వ‌చ్చు. ఈ ప‌ప్పును అంద‌రూ లొట్ట‌లేసుకుంటూ తింటారు. ఈ ప‌ప్పును తిన‌డం వ‌ల్ల మ‌నం రుచితో పాటు చ‌క్క‌టి ఆరోగ్యాన్ని కూడా పొంద‌వ‌చ్చు.
