ఒక‌ప్పుడు అంటే మనకు తెలియ‌ని ఏదైనా ప్ర‌దేశానికి వెళ్తే అక్క‌డ అడ్ర‌స్ క‌నుక్కొనేందుకు అంద‌రినీ అడ‌గాల్సి వ‌చ్చేది. కానీ ఇప్పుడు అలా కాదు. చేతిలో స్మార్ట్ ఫోన్ ఉంటుంది క‌నుక గూగుల్ మ్యాప్స్‌లో మ‌నం ఎక్క‌డ ఉన్నామో సుల‌భంగా తెలిసిపోతుంది. దీంతో అడ్ర‌స్‌ను చాలా ఈజీగా క‌నిపెట్ట‌వ‌చ్చు. టెక్నాల‌జీ మారుతున్న కొద్దీ మనకు సౌక‌ర్యాలు కూడా అలాగే ల‌భిస్తున్నాయి. అయితే మ్యాప్స్ విష‌యానికి వ‌స్తే గూగుల్ అందిస్తున్న మ్యాప్స్‌ను ప్ర‌పంచ వ్యాప్తంగా చాలా మంది వాడుతున్నారు. గూగుల్ మ్యాప్స్ అనే యాప్ మనకు ఉచితంగానే సేవ‌లు అందిస్తుంది. మ‌రి వాళ్ల‌కు డ‌బ్బులు ఎలా వ‌స్తాయి..? దీని వ‌ల్ల వారికి ఎలాంటి ఉప‌యోగం ఉంటుంది..? అంటే..
గూగుల్ మ్యాప్స్ వ‌ల్ల మనకు అనేక ఫీచ‌ర్లు ల‌భిస్తాయి. అయితే కంపెనీకి మన నుంచి డ‌బ్బులు రావు కానీ ఎంతో విలువైన మన డేటా వారి చేతుల్లో ఉంటుంది. అంటే మ‌నం ఏ ప్రాంతానికి చెందిన వాళ్లం, ఏయే సేవ‌ల‌ను మ‌నం మ్యాప్స్‌లో ఉప‌యోగించుకుంటున్నాం, ఎక్క‌డికి వెళ్తున్నాం, ఏం చేస్తున్నాం.. వంటి యాక్టివిటీ మొత్తాన్ని గూగుల్ మ్యాప్స్ ట్రాక్ చేస్తుంది. దీంతో మ‌నం గూగుల్‌లో ఏదైనా సెర్చ్ చేసిన‌ప్పుడు లేదా ఏదైనా వెబ్‌సైట్‌ను ఓపెన్ చేసిన‌ప్పుడు మన ఆస‌క్తులు, ఇష్టాల‌కు అనుగుణంగా గూగుల్ సంబంధిత యాడ్‌ల‌ను డిస్‌ప్లే చేస్తుంది. ఇలా గూగుల్ మ్యాప్స్‌ను మనకు ఉచితంగా అందించినా మన డేటా మాత్రం గూగుల్‌కు ఎంతో విలువైంద‌ని చెప్ప‌వ‌చ్చు.
ఒక ప్ర‌స్తుతం ఆన్‌లైన్ ఫుడ్ డెలివ‌రీ యాప్స్‌తోపాటు గ్రోసరీ డెలివ‌రీ యాప్స్‌, క్యాబ్ యాప్స్‌కు గూగుల్ మ్యాప్స్ క‌చ్చితంగా ఉండాలి. వారు గూగుల్ మ్యాప్స్‌ను పెద్ద ఎత్తున ఉప‌యోగించుకుంటారు. క‌నుక వారు గూగుల్‌కు ప్ర‌తి ఏడాది క‌చ్చితంగా కొంత ఫీజు చెల్లించాలి. ఇది వారు ఉప‌యోగించుకునే సేవ‌ను బ‌ట్టి ఉంటుంది. ఇలా కూడా గూగుల్‌కు కొన్ని వేల కోట్ల ఆదాయం ప్ర‌పంచ వ్యాప్తంగా వస్తుంది. ఇలా గూగుల్ మ్యాప్స్ మనకు ఉచితంగానే ల‌భించినా వారికి మాత్రం ఆదాయం బాగానే వ‌స్తుంద‌ని చెప్ప‌వ‌చ్చు.
