మ‌న‌కు అందుబాటులో ఉండే అనేక ర‌కాల ఆకుకూర‌ల్లో పాల‌కూర కూడా ఒక‌టి. దీన్ని తింటే కిడ్నీ స్టోన్లు వ‌స్తాయ‌ని భావిస్తారు. క‌నుక చాలా మంది పాల‌కూర‌ను తినేందుకు అంత‌గా ఇష్ట‌ప‌డ‌రు. అయితే కిడ్నీ స్టోన్లు అస‌లు రాని వారు నిర‌భ్యంతరంగా పాల‌కూర‌ను తిన‌వ‌చ్చు. కానీ స్టోన్లు వ‌చ్చిన వారు దీనికి దూరంగా ఉండాలి. ఇక పాల‌కూర‌ను తిన‌డం వ‌ల్ల అనేక ఆరోగ్య ప్ర‌యోజ‌నాలు క‌లుగుతాయి. ముఖ్యంగా పాల‌కూర‌లో అనేక విట‌మిన్లు, మిన‌ర‌ల్స్ ఉంటాయి. పాల‌కూర‌లో ఉండే విట‌మిన్ సి రోగ నిరోధక శ‌క్తిని పెంచుతుంది. చ‌ర్మాన్ని ఆరోగ్యంగా ఉంచుతుంది.
పాల‌కూర‌లో విట‌మిన్ ఎ కూడా ఎక్కువ‌గానే ఉంటుంది. ఇది రోగ నిరోధక శ‌క్తిని పెంచ‌డంతోపాటు కంటి చూపును మెరుగు ప‌రుస్తుంది. క‌ళ్ల‌ను ఆరోగ్యంగా ఉంచుతుంది. వ‌య‌స్సు మీద ప‌డ‌డం వ‌ల్ల వ‌చ్చే వ్యాధుల‌ను రాకుండా చూస్తుంది. పాల‌కూర‌ను త‌ర‌చూ తీసుకోవ‌డం వ‌ల్ల క్యాన్సర్ రాద‌ని ప‌రిశోధ‌కుల అధ్య‌య‌నాలు చెబుతున్నాయి. పాల‌కూర‌లో మెగ్నిషియం ఎక్కువ‌గా ఉంటుంది. ఇది కండ‌రాల‌ను ఆరోగ్యంగా ఉంచుతుంది. రాత్రిపూట కాలి పిక్క‌లు ప‌ట్టుకుపోయే స‌మ‌స్య ఉంటే పాల‌కూర‌ను తింటే త‌గ్గిపోతుంది.
పాల‌కూర‌లో ఉండే ఫోలిక్ యాసిడ్ గ‌ర్భిణీల‌కు ఎంతో మేలు చేస్తుంది. దీంతో బిడ్డ ఎదుగుద‌ల స‌రిగ్గా ఉంటుంది. మెద‌డు అభివృద్ధికి దోహ‌ద‌ప‌డుతుంది. పాల‌కూర‌ను త‌ర‌చూ ఆహారంలో భాగం చేసుకుంటే ఊపిరితిత్తులు ఆరోగ్యంగా ఉంటాయి. బ్రెస్ట్ క్యాన్సర్ రాకుండా అడ్డుకోవ‌చ్చు. హార్ట్ ఎటాక్ రాకుండా చూసుకోవ‌చ్చు. ఇందులో ఉండే క్యాల్షియం ఎముక‌ల‌ను బ‌లంగా మారుస్తుంది. పాల‌కూర‌ను త‌ర‌చూ తినే స్త్రీల‌కు అండాశ‌య క్యాన్సర్ వ‌చ్చే అవ‌కాశాలు త‌గ్గుతాయ‌ని సైంటిస్టుల అధ్య‌య‌నాల్లో తేలింది. పాల‌కూర‌ను తింటే ర‌క్తం త‌యార‌వుతుంది. ర‌క్తం శుద్ధి అవుతుంది. ఈ విధంగా పాల‌కూర‌ను త‌ర‌చూ తింటే అనేక లాభాల‌ను పొంద‌వ‌చ్చు.
