Bimbisara Movie: వరుస ఫెయిల్యూర్స్ తో విసుగెత్తిపోయిన నందమూరి కళ్యాణ్ రామ్ ‘బింబిసార’ తో ఇండస్ట్రీనే తనవైపు చూసేలా చేశాడు. బలమైన కథతో, ప్రేక్షకులను ఆకట్టుకునేలా తెరకెక్కించిన ఈ చిత్రం థియేటర్ లో బాగా రన్ అయింది. ‘బింబిసార’ అటు బాక్స్ ఆఫీస్ వద్ద కూడా ఓకే అనిపించింది.
ఈ చిత్రం పై ఆడియన్స్ పాజిటివ్ గా స్పందించారు, అటు సినీ తారలు క్లాసికల్ ఫిల్మ్ పై ప్రశంసల వర్షం కురిపించారు. అయితే దాదాపు రూ.20 కోట్లతో నిర్మించిన ‘బింబిసార’ చిత్రం కేవలం మూడు రోజుల్లోనే పెట్టుబడిని రాబట్టింది. దీంతో నిర్మాతలు, డిస్ట్రిబ్యూటర్, బయ్యర్లు ఖుషి అయ్యారు. అయితే బింబిసార సినిమాకి మొదట అనుకున్నది కళ్యాణ్ రామ్ నీ కాదట. కళ్యాణ్ రామ్ పాత్ర కోసం మొదట మరొక హీరో దగ్గరికి వెళ్ళగా, ఆ హీరో రిజెక్ట్ చేయడంతో చివరికి ఆ కథ కళ్యాణ్ రామ్ నీ వరించిందట.
ఆ స్టార్ హీరో మరెవరో కాదు మాస్ మహారాజా రవితేజ. కథ అంత సిద్ధం చేసుకుని వశిష్టు రవితేజ దగ్గరికి వెళ్ళగా, అసలు తను ఈ కథకు సూట్ కానని, అలాంటి పాత్రలు చేయలేనని చెప్పాడట. అంతేకాదు వశిష్టు లాంటి కొత్త దర్శకుడు ఇంత విజువల్ వండర్ సినిమాని హ్యాండిల్ చేయలేడేమో అని రవితేజ అభిప్రాయ పడ్డాడట. దాంతో అదే కథతో కళ్యాణ్ రామ్ దగ్గరికి దర్శకుడు వశిష్టు వెళ్లాడట.
కళ్యాణ్ రామ్ సినిమా ప్రొడక్షన్ కూడా చేయడానికి సిద్ధంగా ఉండడంతో ఈ సినిమా కళ్యాణ్ రామ్ చేతిలోకి వెళ్ళింది. ఆ తర్వాత ఈ ఆ సినిమా ఎంత అద్భుతంగా వచ్చిందో ఎలాంటి విజయం సాధించిందో మనందరం చూశాం.
