యాంకర్ సుమ కనకాల.. తెలుగు రాష్ట్రాలలో ఎంత పాపులరో ప్రత్యేకంగా చెప్పాల్సిన పనిలేదు. ఏ ఛానల్ పెట్టిన, ఏ షో చూసినా, ఈవెంట్ చూసిన సుమా లేకుండా జరగదు. యూట్యూబ్ ద్వారా కూడా సుమ ప్రేక్షకులను ఎంటర్టైన్ చేస్తున్న విషయం తెలిసిందే. నటిగా ఇండస్ట్రీకి ఎంట్రీ ఇచ్చిన సుమ హీరోయిన్ గా సక్సెస్ అవ్వలేకపోయింది. ఆ తర్వాత యాంకర్ గా కెరీర్ మొదలు పెట్టి అనతి కాలంలోనే తెలుగునాట టాప్ యాంకర్ పొజిషన్ కి చేరింది. తన స్థానాన్ని ఎవరు భర్తీ చేయలేనంత స్థాయికి చేరుకుంది.
తన యాంకరింగ్ తో స్టార్ హీరోయిన్లకు ఏమాత్రం తీసిపోని రేంజ్ లో ఫ్యాన్ ఫాలోయింగ్ సంపాదించుకుంది సుమ. గ‌తంలో జయమ్మ పంచాయతీ సినిమాతో నటిగా రీఎంట్రీ ఇచ్చింది సుమ. కానీ ఈ సినిమా ఆశించినంత మేరకు విజయం సాధించలేదు. ఈమె సోషల్ మీడియాలో కూడా చాలా యాక్టివ్ గా ఉంటుంది. అయితే సోషల్ మీడియాలో రకరకాల ఫోటోలను పోస్ట్ చేసినప్పుడు ఆ ఫోటోలలో వెనుక కనిపించే ఇల్లు మనం చాలా సార్లు చూసినట్టుగా అనిపిస్తూ ఉంటుంది. అలా మనం ఆ ఇంటిని ఎప్పుడు? ఎక్కడ? చూశామో ఇప్పుడు తెలుసుకుందాం.
సుకుమార్ దర్శకత్వంలో నాగచైతన్య హీరోగా వచ్చిన చిత్రం 100% లవ్. ఈ సినిమా షూటింగ్ అధిక శాతం సుమ ఇంట్లోనే జరుగుతుంది. అలాగే బాద్షా సినిమాలో కాజల్ అగర్వాల్ ఇల్లు, బ్రూస్ లీ సినిమాలో రామ్ చరణ్ ఇల్లుగా కూడా సుమా ఇంటినే వాడారు. అంతేకాకుండా దూకుడు సినిమాలో మహేష్ బాబు, ప్రకాష్ రాజ్ ఓ ఇంట్లో ఉంటారు. ఈ సినిమాలో ఇంటిముందు చాలా సీన్లు ఉంటాయి. ఆ ఇల్లు కూడా సుమదే. ఇవే కాకుండా సునీల్ నటించిన పూలరంగడు చిత్రంలోని విలన్ ఇల్లు కూడా సుమదే కావడం విశేషం. ఇలా చాలా సినిమాలలో సుమ ఇంటిని షూటింగ్ నిమిత్తం ఉపయోగించారు.
