ఒకప్పుడు సినిమాల్లో కమెడియన్ అంటే మనకు ముందుగా గుర్తుకు వచ్చేది బాబు మోహన్. సినిమాల్లో ఆయన కామెడీ మాత్రం మామూలుగా ఉండదు. బాబు మోహన్ తో పాటుగా బ్రహ్మానందం కూడా లెజెండరీ కమెడియన్ లలో ఒకరిగా పేరు సంపాదించుకున్నారు. వీరిద్దరి కాంబినేషన్ లో ఎన్నో సినిమాలు కూడా వచ్చాయి. ఒకప్పుడు కమెడియన్ గా బాబుమోహన్ ఎంతో గుర్తింపు తెచ్చుకున్నారు. ఆయన రాజకీయాల్లోకి అడుగు పెట్టిన తర్వాత బిజీగా ఉండటంవల్ల సినిమాలకు స్వస్తి పలికారు.
మొదట నాటకాల్లో నటించిన బాబు మోహన్ ఆ తర్వాత సినిమాల్లోకి ఎంట్రీ ఇచ్చారు. అంకుశం,ఆహుతి సినిమాల్లో బాబు మోహన్ నటనకు మంచి గుర్తింపు వచ్చింది. అలాగే మామగారు సినిమాలో తన నటనకు నంది అవార్డు కూడా దక్కింది. ఇక కోట శ్రీనివాసరావు మరియు బాబు మోహన్ కలిసి నటించిన సినిమాలు వారి కామెడీ టైమింగ్ తో సూపర్ హిట్ అయ్యాయి. ఈ క్రమంలో బాబు మోహన్ మొదటిసారిగా సౌందర్య తో చినుకు చినుకు అందెలతో అనే సాంగ్ పై డాన్స్ చేశారు. ఈ పాటకు అప్పట్లో మంచి రెస్పాన్స్ కూడా వచ్చింది. ఈ పాత్రకు సంబంధించి కొన్ని ఆశ్చర్యకరమైన విషయాలను బాబు మోహన్ ఒక ఇంటర్వ్యూ లో తెలియజేశారు.
సౌందర్య,బాబు మోహన్ పక్కన డాన్స్ చేస్తే తన కెరియర్ పోతుందని అందరూ అన్నారట. కానీ సౌందర్య బాబు మోహన్ పక్కన డాన్స్ చేయడం చాలా అదృష్టం అని సమాధానం ఇచ్చారట. ఈ పాటకు వచ్చిన క్రేజ్ తో తర్వాత ఆయన 200కు పైగా పాటలకు డ్యాన్స్ చేశానని బాబు మోహన్ తెలియజేశారు. అయితే దీని తర్వాత బాబు మోహన్ సినిమాల్లో ఉంటే మేం నటించమని బ్రహ్మానందం మరియు కోట గారు చెప్పారట. దీంతో దర్శకుడు ఎవరో ఒకరు బాబు మోహన్ కోసం ఒక పాట పెట్టేవారట. ఇక చివరికి దాసరి నారాయణ రావు, రాజేంద్ర ప్రసాద్ కల్పించుకొని మీరు ముగ్గురు కలిసి నటించాలని చెప్పారట. దీని తర్వాత వీరి కాంబినేషన్లో మళ్ళీ చాలా సినిమాలు వచ్చాయి.
