కొంతమందికి వ్యాయామాలు ఇష్టం వుండవు. అవి నొప్పులు చేస్తాయని, బెణుకులు పట్టిస్తాయని భావిస్తూవుంటారు. వ్యాయామలు చేయకుండానే సన్నని పొట్టతో స్మార్ట్ గా వుండాలని కోరుతుంటారు. ఈ రకమైన శారీరక సౌష్టవం పొందటానికి కొన్ని చిట్కాలు ఇస్తున్నాం చూడండి….! టమ్మీ టక్కర్స్ – ఇవి ఎలాస్టిక్ కల లోపలి దుస్తులు, జీన్స్, ప్యాంటీలు మొదలైనవి. పొడుచుకు వచ్చే పొట్టకు ఒక షేప్ ఇచ్చి అందంగా కనపడేలా చేస్తాయి. శరీరానికి గట్టిగా అద్దినట్లుంటే బాగా పనిచేస్తాయి. వీటిని ధరించటం తేలిక. వివిధ రంగులలో వుండి మన్నికగా వుంటాయి. అయితే ఈ ఎలాస్టిక్ ఏర్పాటు చీరలకు, బికినిలకు లేదా పొట్టి టాప్ లకు వుండదు.
కొవ్వు కరిగించే జల్ – నేటి రోజుల్లో స్పాలు, ఫిట్ నెస్ సెంటర్లలో ఈ ద్రవాలు దొరుకుతున్నాయి. ఇవి శరీరం మంచి షేప్ లోకి రావటానికి తోడ్పడుతుంది. కొవ్వు రావద్దు అనుకున్న శరీర భాగాలలో దీనిని రాయాలి. అధిక కొవ్వును ఇది కరిగించేస్తుంది. ఆ భాగాలలో రక్తం, ఇతర శరీర ద్రవాలు బాగా సరఫరా అయ్యేలా చేస్తుంది. శరీర జీవక్రియ వేగిర పరుస్తుంది. బరువైన, బిగువైన లోపలి దుస్తులు ఇంటిలో వేసుకొంటే అవి చెమటను పుట్టించి కేలరీలు వ్యయం చేస్తాయి. ఈ దుస్తులను బిగువుగా శరీరానికి కట్టేయాలి అధిక కేలరీలు, కొవ్వు ఖర్చు అయిపోతాయి. పొట్టకు కట్టే ఈ బిగువైన దుస్తులను ప్రయత్నించండి.
మార్కెట్ లో దొరికే టమ్మీ టక్కర్ అందుబాటులో లేకుంటే…ఇంట్లోనే స్వంతంగా మీ టమ్మీ టక్కర్ తయారు చేసుకోండి. ఇంటిపట్టున వున్నపుడు టైట్ గా వుండే జీన్స్ పేంట్ కు బెల్ట్ పెట్టండి. ఈ జీన్సు పేంట్ మీరు పొదే అధికబరువును పొట్ట లేదా నడుము భాగాలలో తగ్గిస్తుంది. బిగువైన బ్రాసరీలు, గొట్టం లాంటి టాప్ లు కూడా మీ వక్షోజాల షేప్ నియంత్రణకు పనికి వస్తాయి. ఈ బిగువైన దుస్తులు ఇంటిలో కొద్దిగంటలపాటు వేసుకొని భోజనం చేసే ముందు లేదా రిలాక్స్ అవాలనుకునే ముందు తీసేస్తూ వుండండి. ఈ చిట్కాలు పొట్ట కొవ్వును తగ్గించేందుకు తోడ్పడినప్పటికి, ఈ అంశంలో మీ ఫిట్ నెస్ నిపుణులను లేదా ఒక ఫిజిషియన్ ను ఈ దుస్తులు లేదా ఇతర పరికరాలు ఉపయోగించేముందు సంప్రదించండి.
