నిత్య జీవితంలో ఎదుర్కొనే అనేక వ్యాధులను తగ్గించే శక్తి మునక్కాయలో ఉంది. కొన్ని వందల శారీరక రుగ్మతలు మునగ వల్ల నయమవుతాయి. ఆరోగ్యంగా జీవించడానికి కావలసిన అన్ని రకాల పోషక పదార్థాలు మునగలో ఉన్నాయి. విటమిన్ ఎ, సి, క్యాల్షియం, పొటాషియం ఇందులో ఎక్కువగా వుంటాయి. ఆకుల‌ను కూడా వంటల్లో వినియోగిస్తారు. పచ్చటి ఆకులే కాక కొంచెం నీడలో ఎండబెట్టి, పొడిచేసి నిలువ కూడా వుంచుకోవచ్చు. అవసరమైనపుడు సంవత్సరం పొడవునా అందుబాటులో వుంటుంది. సి విటమిన్ తప్ప మిగిలిన పోషకాలేవీ నశించవు, తగ్గవు.
వంద గ్రాముల ఆకుల్లో కాల్షియం – 440 మిల్లీ గ్రాములు, ఐరన్- 0.85 మి.గ్రా, బీటా కెరోటీన్లు అధికంగా వుంటాయి. అంతేగాకుండా.. మునక్కాయ ఎముకల్ని బలంగా ఉంచుతుంది. ఇందులో ఐరన్, క్యాల్షియం ఎముకల్ని బలపరుస్తుంది. పిల్లల పెరుగుదలకు ఇవి ఎంతగానో ఉపయోగపడతాయి. ఇంకా చక్కెర స్థాయిల్ని స్థిరంగా ఉంచుతుంది. తద్వారా డయాబెటిస్ను నియంత్రించుకోవచ్చు. వీటిలోని విటమిన్ “సి” ఇన్ఫెక్షన్లను దూరం చేస్తుంది.
మున‌గాకుల‌ను తీసుకోవ‌డం వల్ల జీర్ణ వ్య‌వ‌స్థ ప‌నితీరు మెరుగు ప‌డుతుంది. పొట్ట శుభ్రంగా మారుతుంది. జీర్ణాశ‌యం, పేగుల్లో ఉండే వ్య‌ర్థాలు బ‌య‌ట‌కు వెళ్లిపోతాయి. గ్యాస్‌, అసిడిటీ, మ‌ల‌బ‌ద్ద‌కం నుంచి ఉప‌శ‌మ‌నం ల‌భిస్తుంది. మున‌గాకుల‌ను తింటే షుగ‌ర్‌, కొలెస్ట్రాల్ లెవ‌ల్స్ సైతం త‌గ్గుతాయి. ఇలా మున‌గాకులు అనేక ర‌కాలుగా మ‌న‌కు ఉపయోగపడతాయి.
