చిన్నారులకు తల్లి పాలు పట్టించడం ఎంత ముఖ్యమో అందరికీ తెలిసిందే. తల్లి పాలలో అనేక పోషకాలు ఉంటాయి. వాటితో పిల్లలకు పోషణ అందుతుంది. వారు చురుగ్గా ఉంటారు. ప్రతిభావంతులుగా మారుతారు. అందుకని చిన్నారులకు కచ్చితంగా తల్లిపాలను ఇవ్వాలి. అయితే కొందరు బాలింతలలో బాగా ఉత్పత్తి కావు. దీంతో చిన్నారులకు వారు తగినన్ని పాలను తాగించలేకపోతుంటారు. అలాంటి వారు కింద తెలిపిన పలు చిట్కాలను పాటిస్తే తల్లిపాలు బాగా ఉత్పత్తి అవుతాయి. మరి ఆ చిట్కాలు ఏమిటంటే…
1. ఒక కప్పు నీటిలో ఒక టీస్పూన్‌ మెంతులను వేసి బాగా మరిగించాలి. అనంతరం ఆ నీటిని వడకట్టి అందులో ఒక టీస్పూన్‌ తేనెను కలిపి తాగాలి. ఇలా రోజుకు మూడు సార్లు తాగితే బాలింతల్లో పాలు బాగా పెరుగుతాయి. మెంతుల్లో ఉండే ఫైటోఈస్ట్రోజన్‌ పాలను బాగా ఉత్పత్తి చేస్తుంది.
2. మునగకాయలను శుభ్రం చేసి వాటిపై ఉండే పొట్టు తీసి వాటిని చిన్న ముక్కలుగా కట్‌ చేయాలి. అనంతరం వాటిని మిక్సీలో వేసి రసం తీయాలి. దాన్ని అర కప్పు మోతాదులో రోజుకు ఒకసారి తాగితే ఫలితం ఉంటుంది.
3. బాలింతల్లో పాలు ఉత్పత్తి అయ్యేందుకు సోంపు గింజలు కూడా పనిచేస్తాయి. ఇందుకు గాను ఒక పాత్రలో కొన్ని సోంపు గింజలు వేసి బాగా మరిగించాలి. అనంతరం వడకట్టి ఆ నీటిని గోరు వెచ్చగా ఉండగానే తాగేయాలి. ఇలా రోజుకు 2-3 సార్లు చేయాలి. పాలు బాగా ఉత్పత్తి అవుతాయి.
4. వెల్లుల్లిలో లాక్టోజెనిక్‌ లక్షణాలు ఉంటాయి. ఇవి బాలింతల్లో పాలను పెంచుతాయి. రోజూ రెండు వెల్లుల్లి రెబ్బలను బాగా నలిపి నేరుగా తినాలి. లేదా ఆహారంలో చేర్చుకుని తినవచ్చు. దీంతో పాలు ఉత్పత్తి అవుతాయి.
5. పాలు బాగా లేని తల్లులకు దాల్చిన చెక్క ఎంతగానో ఉపయోగపడుతుంది. దీంతో డికాషన్‌ తయారు చేసుకుని తాగాలి. లేదా చిటికెడు దాల్చిన చెక్క పొడిని ఆహారంలో భాగం చేసుకోవాలి. దీంతో పాలు ఉత్పత్తి అవుతాయి.
6. బాదం పప్పులో ఒమెగా 3 ఫ్యాటీ యాసిడ్లు ఉంటాయి. ఇవి బాలింతలకు మేలు చేస్తాయి. రోజూ నీటిలో నానబెట్టిన బాదం పప్పులను తినాలి. లేదా బాదం పాలు తాగాలి. బాలింతల్లో పాలు పెరుగుతాయి.
బాలింతలు ఆరోగ్యకరమైన పోషకాహారం తినాలి. స్తనాలను రోజూ సున్నితంగా మర్దనా చేయాలి. బిగుతైన లో దుస్తులు ధరించరాదు. ద్రవాహారం ఎక్కువగా తీసుకోవాలి. దీంతో పాలు బాగా పడతాయి.
ఎప్ప‌టిక‌ప్పుడు అప్‌డేట్స్ కోసం టెలిగ్రామ్‌లో మ‌మ్మ‌ల్ని ఫాలో అవ్వండి: Ayurvedam365
