ఏమీ చేయలేక పోవడం కానేకాదు. మీ అబ్బాయిని మీ వీధి లో వాళ్ళు చెడగొట్టి పాడుచేసి మీకూ అబ్బాయికీ మధ్య గొడవలు వచ్చేలా చేస్తే, మీరు మీ అబ్బాయి ని వారినుండి దూరం చేయడానికి ప్రయత్నాలు చేస్తారు తప్ప తొందరపడి మీ అబ్బాయిని చంపేయడం గానీ జైలుకి పంపించడం కానీ చేయరు కదా ? మీ అబ్బాయి పేరుతో ఉన్న ఆస్తులు, వంటి మీద బంగారం తస్కరించడానికి వీధిలో వారు ఈ పన్నాగం పన్నారని లోకానికి తెలియదు.
ఇక్కడ తండ్రి రష్యా, కొడుకు ఉక్రెయిన్ ఒకప్పుడు వారిద్దరూ ఒకే ఉమ్మడి కుటుంబం లో సభ్యులు. ఇక వీధిలో వాళ్ళు నాటో దేశాలు.
తన కొడుకు లాంటి ఉక్రెయిన్ ను ఒక దెబ్బతో భస్మీపటలం చేయడానికి చేతులు రాక, నిదానంగా రష్యా కొంచెం కొంచెం ఆస్తులు స్వాధీన పరచుకుంటోంది. ఈ కొడుకు ఆస్తి అంతా నాటో దేశాల‌కి తాకట్టు పెట్టి అప్పులు చేస్తూ తండ్రి లాంటి రష్యాను ఎదిరిస్తున్నాడు.
ఎవరికీ తెలియని నిజం ఏమిటంటే ఆర్ధికంగా నష్టపోయినా, రష్యా ఆయుధ శక్తి ఏ మాత్రం తగ్గలేదు. సంతర్పణకు కోటా బియ్యం కొని వాడినట్లు రష్యా ఇంతవరకూ చౌకరకం ఆయుధాలు బయటి నుంచి కొని వాటితో యుద్ధం కొనసాగిస్తోంది.
నిజంగా రష్యా మూడో కన్ను తెరిస్తే అమెరికాతో సహా ప్రపంచం అంతా బూడిద చేయగలదనేది కాదనలేని వాస్తవం. అమెరికా పుత్ర వాత్సల్యం అడ్డుపెట్టుకుని నాటో దేశాల‌ను రెచ్చగొట్టి ఆయుధాలు అమ్ముకొంటున్న‌ది. ఉక్రెయిన్ కోటలో పాగా వేసి ఖనిజాలు దోచుకోవాలని తాపత్రయ పడుతోంది.
