చర్మంపై చాలా మందికి అనేక చోట్ల సహజంగానే దురదలు వస్తుంటాయి. కొందరికి కొన్ని భాగాల్లో దద్దుర్లు వచ్చి చర్మం ఎర్రగా మారుతుంది. అయితే కొందరికి చంకల్లో ఎప్పుడూ దురదగా ఉంటుంది. అందుకు పలు కారణాలు ఉంటాయి. అవేమిటంటే..
శరీరంలో వేడి ఎక్కువగా ఉండడం వల్ల కొందరికి శరీరంపై కొన్ని భాగాల్లో దురదగా ఉంటుంది. అక్కడ చిన్నపాటి కురుపుల్లా వస్తాయి. ఈ క్రమంలోనే కొందరికి చంకల్లో ఈ విధంగా అవుతుంది. అందుకనే ఆ భాగంలో దురద పెడుతుంది. ఇక చంకల్లో చర్మం బాగా రాపిడికి గురవడం వల్ల కూడా ఇలా జరుగుతుంది. కొందరికి చర్మ వ్యాధులు ఉంటాయి. అందువల్ల కూడా చంకల్లో దురద పెడుతుంది. అలాగే కొందరికి గజ్జి, తామర వల్ల చంకల్లో దురద పెడుతుంది. కొందరికి పొడి చర్మం వల్ల ఈ సమస్య వస్తుంది. ఈ విధంగా చంకల్లో దురద పెట్టేందుకు అనేక కారణాలు ఉంటాయి.
అయితే ఈ సమస్య ఉన్నవారు వెల్లుల్లి, ఉల్లిపాయ, గోంగూర, వంకాయ వంటి ఆహారాలను కొన్ని రోజులు మానేయాలి. ఇవి అలర్జీ వంటి రియాక్షన్లను కలగజేసి దురద వచ్చేలా చేయాలి. అలాగే కోడిగుడ్లు, చికెన్‌, చేపలను తిన్నా ఇలా జరుగుతుంది. కనుక సమస్య తగ్గే వరకు ఈ ఆహారాలను మానేయాలి.
మార్కెట్‌లో కొన్ని రకాల యాంటీ కాఫింగ్‌ పౌడర్లు అందుబాటులో ఉన్నాయి. వాటిని రోజూ వాడితే సమస్య తగ్గుతుంది. రోజూ రెండు సార్లు స్నానం చేయాలి. మెడికేటెడ్‌ సబ్బులతో శరీరాన్ని రుద్దుకుని స్నానం చేయాలి. ఇతరులకు చెందిన టవల్స్‌, దువ్వెనలు, దుస్తులను వాడరాదు. వ్యక్తిగత పరిశుభ్రతను పాటించాలి.
చంకల్లో యాంటీ బాక్టీరియల్‌ సొల్యూషన్‌ను రాయాలి. లేదా వేపాకులను మిశ్రమంగా చేసి దాన్ని రాసి కొంతసేపు అయ్యాక స్నానం చేయాలి. దీంతో దురదలు రావు. చంకలకు గాలి తగిలేలా వదులైన దుస్తులను ధరించాలి. మట్టిని పట్టుకున్నా, జంతువులు, మొక్కలతో గడిపినా వెంటనే చేతులను హ్యాండ్‌ వాష్‌తో శుభ్రం చేసుకోవాలి. ఈ విధంగా సూచనలు పాటిస్తే చంకల్లో దురదను తగ్గించుకోవచ్చు.
