Nune Vankaya : మ‌నం గుత్తి వంకాయ‌ల‌తో ర‌క‌ర‌కాల వంట‌కాల‌ను త‌యారు చేసుకుని తింటూ ఉంటాం. గుత్తి వంకాయ‌ల‌తో చేసే ఏ కూర‌నైనా చాలా రుచిగా ఉంటుంది. చాలా మంది గుత్తి వంకాయ‌ల‌తో చేసే కూర‌ల‌ను ఇష్టంగా తింటారు. గుత్తి వంకాయ‌ల‌తో చేసుకోద‌గిన రుచిక‌ర‌మైన వంట‌కాల్లో నూనె వంకాయ కూడా ఒక‌టి. నూనె వంకాయ చాలా రుచిగా, చిక్క‌గా, పుల్ల‌గా ఉంటుంది. దీనిని చాలా సుల‌భంగా త‌యారు చేసుకోవ‌చ్చు. రాయ‌ల‌సీమ స్టైల్ నూనె వంకాయ‌ను ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
నూనె వంకాయ త‌యారీకి కావ‌ల్సిన ప‌దార్థాలు..
నూనె – 4 టేబుల్ స్పూన్స్, ఆవాలు – ఒక టీ స్పూన్, మిరియాలు – ఒక టీ స్పూన్, జీల‌క‌ర్ర – ఒక టీ స్పూన్, క‌రివేపాకు – ఒక రెమ్మ, వెల్లుల్లి రెబ్బ‌లు – 12, త‌రిగిన ఉల్లిపాయ – 1, గుత్తి వంకాయ‌లు – 10, ఉప్పు – త‌గినంత, కారం – 2 టీ స్పూన్స్, ధ‌నియాల పొడి – 2 టేబుల్ స్పూన్స్, చింత‌పండు ర‌సం – 250 ఎమ్ ఎల్, త‌రిగిన కొత్తిమీర – ఒక చిన్న క‌ట్ట.
మ‌సాలా పేస్ట్ త‌యారీకి కావ‌ల్సిన ప‌దార్థాలు..
నూనె – 2 టేబుల్ స్పూన్స్, జీల‌క‌ర్ర – ఒక టీ స్పూన్, త‌రిగిన ప‌చ్చిమిర్చి – 2, చిన్న‌గా త‌రిగిన పెద్ద ఉల్లిపాయ – 1, ఉప్పు – త‌గినంత, శ‌న‌గ‌ప‌ప్పు – 2 టీ స్పూన్స్, త‌రిగిన ట‌మాటాలు – 2, ప‌సుపు – పావు టీ స్పూన్, ప‌చ్చి కొబ్బ‌రి ముక్క‌లు – పావు క‌ప్పు.
నూనె వంకాయ త‌యారీ విధానం..
ముందుగా క‌ళాయిలో నూనె వేసి వేడి చేయాలి. నూనె వేడ‌య్యాక జీల‌క‌ర్ర, ప‌చ్చిమిర్చి వేసి వేయించాలి. త‌రువాత ఉల్లిపాయ ముక్క‌లు, ఉప్పు వేసి క‌ల‌పాలి. ఉల్లిపాయ ముక్క‌లు మెత్త‌బ‌డిన త‌రువాత శ‌న‌గ‌ప‌ప్పు వేసి క‌ల‌పాలి. ఉల్లిపాయ ముక్క‌లు ఎర్ర‌గా వేగిన త‌రువాత ట‌మాట ముక్క‌లు, ప‌సుపు వేసి క‌ల‌పాలి. ట‌మాట ముక్క‌లు మెత్త‌గా ఉడికిన త‌రువాత స్టవ్ ఆఫ్ చేసుకోవాలి. త‌రువాత వీటిని జార్ లోకి తీసుకోవాలి. ఇందులోనే ప‌చ్చి కొబ్బ‌రి ముక్క‌లు, కొద్దిగా నీళ్లు వేసి మెత్త‌గా మిక్సీ ప‌ట్టుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక ఆవాలు, మిరియాలు వేసి వేయించాలి. త‌రువాత జీల‌క‌ర్ర, క‌రివేపాకు, వెల్లుల్లి రెబ్బ‌లు వేసి వేయించాలి. త‌రువాత ఉల్లిపాయ ముక్క‌లు వేసి వేయించాలి.
త‌రువాత వంకాయ‌లు, ఉప్పు వేసి క‌ల‌పాలి. వీటిపై మూత‌ను ఉంచి వంకాయ‌ల‌ను మ‌గ్గించాలి. వంకాయ‌లు మ‌గ్గిన త‌రువాత కారం, ధ‌నియాల పొడి వేసి క‌ల‌పాలి. త‌రువాత చింత‌పండు ర‌సం వేసి ఒక పొంగు వ‌చ్చే వ‌ర‌కు ఉడికించాలి. త‌రువాత మిక్సీ ప‌ట్టుకున్న పేస్ట్ వేసి క‌ల‌పాలి. ఇప్పుడు దీనిపై మూత పెట్టి చిన్న మంట‌పై నూనె పైకి తేలే వ‌ర‌కు ఉడికించాలి. త‌రువాత కొత్తిమీర‌ను చ‌ల్లుకుని స్టవ్ ఆఫ్ చేసుకోవాలి. ఇలా చేయ‌డం వల్ల ఎంతో రుచిగా ఉండే నూనె వంకాయ త‌యార‌వుతుంది. దీనిని అన్నంతో క‌లిపి తింటే చాలా రుచిగా ఉంటుంది. త‌ర‌చూ గుత్తి వంకాయ‌ల‌తో చేసే కూర‌ల కంటే ఈ విధంగా చేసిన నూనె వంకాయ చాలా రుచిగా ఉంటుంది. దీనిని లొట్ట‌లేసుకుంటూ అంద‌రూ ఎంతో ఇష్టంగా తింటారు.
