Poha Bread Vada : బ్రెడ్ పోహ వ‌డ‌లు.. అటుకులు, బ్రెడ్ క‌లిపి చేసే ఈ వ‌డ‌లు చాలా రుచిగా ఉంటాయి. చాలా క్రిస్పీగా కూడా ఉంటాయి. అల్పాహారంగా, స్నాక్స్ గా తీసుకోవ‌డానికి ఇవి చాలా చ‌క్క‌గా ఉంటాయి. ఇంటికి అతిథులు వ‌చ్చిన‌ప్పుడు అప్ప‌టిక‌ప్పుడు వీటిని త‌యారు చేసి పెట్ట‌వ‌చ్చు. వీటిని కేవ‌లం 10 నుండి 15 నిమిషాల్లో త‌యారు చేసుకోవ‌చ్చు. ఎంతో రుచిగా, క్రిస్పీగా ఉండే ఈ బ్రెడ్ పోహ వ‌డ‌ల‌ను ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
బ్రెడ్ పోహ వ‌డ త‌యారీకి కావ‌ల్సిన ప‌దార్థాలు..
అటుకులు – అర క‌ప్పు, బ్రెడ్ స్లైసెస్ – 4, ఉప్పు – త‌గినంత, త‌రిగిన కొత్తిమీర – కొద్దిగా, చిన్న‌గా త‌రిగిన ప‌చ్చిమిర్చి – 1, చిన్న‌గా త‌రిగిన ఉల్లిపాయ – 1, చిల్లీ ప్లేక్స్ – ఒక టీ స్పూన్, త‌రిగిన క‌రివేపాకు – ఒక రెమ్మ, నూనె – డీప్ ఫ్రైకు స‌రిప‌డా.
బ్రెడ్ పోహ వ‌డ త‌యారీ విధానం..
ముందుగా ఒక గిన్నెలో అటుకుల‌ను తీసుకోవాలి. త‌రువాత వీటిని 2 నుండి 3 సార్లు శుభ్రంగా క‌డ‌గాలి. త‌రువాత నీటిని పిండేసి గిన్నెలోకి తీసుకోవాలి. త‌రువాత బ్రెడ్ స్లైసెస్ ను ముక్క‌లుగా చేసి వేసుకోవాలి. త‌రువాత ఉప్పు వేసి అంతా క‌లిసేలా క‌లుపుకోవాలి. ఇందులో నీళ్లు వేయ‌కుండా క‌లుపుకోవాలి. త‌రువాత నూనె త‌ప్ప మిగిలిన ప‌దార్థాలు వేసి క‌ల‌పాలి. త‌రువాత చేతుల‌కు నూనె రాసుకుంటూ కొద్ది కొద్దిగా మిశ్ర‌మాన్ని తీసుకుంటూ వ‌డ‌లాగా వ‌త్తుకుని ప్లేట్ లోకి తీసుకోవాలి. ఇలా అన్నింటిని త‌యారు చేసుకున్న త‌రువాత క‌ళాయిలో నూనె పోసి వేడి చేయాలి. నూనె మ‌ధ్య‌స్థంగా వేడ‌య్యాక వ‌డ‌ల‌ను వేసి వేయించాలి. వీటిని మ‌ధ్య‌స్థ మంటపై రెండు వైపులా క్రిస్పీగా అయ్యే వ‌ర‌కు వేయించుకుని ప్లేట్ లోకి తీసుకోవాలి. ఇలా చేయ‌డం వ‌ల్ల ఎంతో రుచిగా ఉండే బ్రెడ్ పోహ వ‌డ‌లు త‌యార‌వుతాయి. వీటిని అంద‌రూ ఎంతో ఇష్టంగా తింటారు. ట‌మాట కిచ‌ప్ తో తింటే ఇవి చాలా రుచిగా ఉంటాయి.
