Spicy Butter Chicken Fry : మ‌నం చికెన్ తో చేసుకోద‌గిన వంట‌కాల్లో చికెన్ ఫ్రై కూడా ఒక‌టి. చికెన్ ఫ్రై చాలా రుచిగా ఉంటుంది. చాలా మంది దీనిని ఇష్టంగా తింటారు. చికెన్ ఫ్రైను ఒక్కొక్క‌రు ఒక్కో ప‌ద్ద‌తిలో త‌యారు చేస్తారు. త‌రుచూ ఒకేర‌కంగా కాకుండా చికెన్ ఫ్రైను మరింత రుచిగా కూడా త‌యారు చేసుకోవ‌చ్చు. కింద చెప్పిన విధంగా చేసే ఈ స్పైసీ బటర్ చికెన్ ఫ్రై చాలా రుచిగా ఉంటుంది. సైడ్ డిష్ గా తిన‌డానికి ఇది చాలా చ‌క్క‌గా ఉంటుంది. ఒక్క‌సారి ఈ చికెన్ ఫ్రైను తింటే మ‌ళ్లీ మ‌ళ్లీ ఇదే కావాలంటారు. ఎవ‌రైనా కూడా ఈ చికెన్ ఫ్రైను చాలా సుల‌భంగా త‌యారు చేసుకోవ‌చ్చు. దీనిని త‌యారు చేయ‌డం చాలా తేలిక. మరింత రుచిగా చికెన్ ఫ్రైను ఎలా త‌యారు చేసుకోవాలో ఇప్పుడు తెలుసుకుందాం.
స్పైసీ బటర్ చికెన్ ఫ్రై త‌యారీకి కావ‌ల్సిన ప‌దార్థాలు..
నూనె – 2 టేబుల్ స్పూన్స్, పొడ‌వుగా త‌రిగిన పెద్ద ఉల్లిపాయ – 1, యాల‌కులు – 4, ల‌వంగాలు – 3, దాల్చిన చెక్క – ఒక ఇంచు ముక్క, జీలకర్ర – అర టీ స్పూన్, చిన్న‌గా త‌రిగిన ప‌చ్చిమిర్చి – 2, అల్లం వెల్లుల్లి పేస్ట్ – ఒక టీ స్పూన్, చికెన్ – అర‌కిలో, ఉప్పు – త‌గినంత, కారం – 2 టీ స్పూన్స్, కాశ్మీరి చిల్లీ కారం – ఒక టీ స్పూన్, ప‌సుపు – అర టీ స్పూన్, పెరుగు – 2 టేబుల్ స్పూన్స్, ఫ్రెష్ క్రీమ్ – ఒక టేబుల్ స్పూన్, బటర్ – ఒక టేబుల్ స్పూన్, గ‌రం మ‌సాలా – ఒక టీ స్పూన్, త‌రిగిన కొత్తిమీర – కొద్దిగా.
స్పైసీ బటర్ చికెన్ ఫ్రై త‌యారీ విధానం..
ముందుగా క‌ళాయిలో నూనె వేసి వేడి చేయాలి. త‌రువాత ఉల్లిపాయ ముక్క‌లు వేసి వేయించాలి. వీటిని ఎర్ర‌గా అయ్యే వ‌ర‌కు వేయించి ప్లేట్ లోకి తీసుకోవాలి. త‌రువాత అదే నూనెలో మ‌సాలా దినుసులు, జీలకర్ర, ప‌చ్చిమిర్చి వేసి వేయించాలి. త‌రువాత అల్లం వెల్లుల్లి పేస్ట్ వేసి వేయించాలి. త‌రువాత చికెన్, ఉప్పు, కారం, కాశ్మీరి కారం, ప‌సుపు వేసి క‌ల‌పాలి. వీటిని రెండు నిమిషాల పాటు పెద్ద మంట‌పై ఉడికించిన త‌రువాత మూత పెట్టి మంట‌ను చిన్న‌గా చేసి వేయించాలి. దీనిని 10 నిమిషాల పాటు వేయించిన త‌రువాత పెరుగు వేసి క‌ల‌పాలి. త‌రువాత మూత పెట్టి మ‌రో 10 నిమిషాల పాటు వేయించాలి. చికెన్ పూర్తిగా వేగిన త‌రువాత ఫ్రెష్ క్రీమ్, బటర్, వేయించిన ఉల్లిపాయ ముక్క‌లు వేసి క‌ల‌పాలి. దీనిని మ‌రో 5 నిమిషాల పాటు వేయించిన త‌రువాత గ‌రం మ‌సాలా, కొత్తిమీర వేసి క‌ల‌పాలి. దీనిని మ‌రో నిమిషం పాటు వేయించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే స్పైసీ బటర్ చికెన్ త‌యార‌వుతుంది. ఈ విధంగా త‌యారు చేసిన చికెన్ ఫ్రైను అంద‌రూ ఎంతో ఇష్టంగా తింటారు.
