కండ‌రాలు నిర్మాణం జ‌ర‌గాలంటే కేవ‌లం క్యాలరీల‌ను త‌గ్గించ‌డం మాత్ర‌మే కాదు, వ్యాయామం కూడా చేయాలి. అలాగే పౌష్టికాహారం తీసుకోవాలి. దీంతో వ్యాయామం ఎక్కువ సేపు చేయ‌గ‌లుగుతారు. అనుకున్న ఫ‌లితాలు సాధిస్తారు. అయితే బాగా ఎక్కువ‌గా వ్యాయామం చేస్తే శ‌రీరం కోలుకునేందుకు కొంత స‌మ‌యం ప‌డుతుంది. అందువ‌ల్ల శ‌రీరానికి పోష‌కాలు అందించాలి. అందుకు గాను ప‌లు ఆహారాల‌ను తీసుకోవాల్సి ఉంటుంది. అవేమిటంటే..
1. వ్యాయామం బాగా చేశాక ప్రోటీన్లు ఉండే ఆహారాల‌ను తీసుకోవాలి. అలాంటి ఆహారాల్లో కోడిగుడ్లు ముందు వ‌రుస‌లో నిలుస్తాయి. వ్యాయామం చేసిన అనంత‌రం గుడ్ల‌ను ఉడ‌క‌బెట్టి తిన‌డం వల్ల కోల్పోయిన కండ‌ర క‌ణ‌జాలం తిరిగి నిర్మాణం అవుతుంది. గుడ్ల‌లో విట‌మిన్లు ఎ, డి, ఇ, బి12, బి6, కె లు అధికంగా ఉంటాయి. ఇవి వ్యాయామం చేసిన వారికి ఎంతో మేలు చేస్తాయి.
2. ప‌నీర్‌లోనూ పోష‌కాలు అధికంగా ఉంటాయి. ముఖ్యంగా ప్రోటీన్లు ఎక్కువ‌గా ఉంటాయి. అందువ‌ల్ల వ్యాయామం చేసిన వారు ప‌నీర్‌ను తింటే మంచిది. దీంతో త్వ‌ర‌గా రిక‌వ‌రీ అవ్వ‌వ‌చ్చు.
3. చేప‌ల్లో ఒమెగా 3 ఫ్యాటీ యాసిడ్లు ఎక్కువ‌గా ఉంటాయి. అలాగే ప్రోటీన్లు, బి విట‌మిన్లు, పొటాషియం, సెలీనియం అధికంగా ఉంటాయి. అందువ‌ల్ల వాపులు త‌గ్గుతాయి. చేప‌ల్లో ఉండే పొటాషియం వ్యాయామం సంద‌ర్భంగా శ‌రీరం కోల్పోయిన ఎల‌క్ట్రోలైట్స్‌ను భ‌ర్తీ చేస్తుంది. దీని వల్ల కండ‌రాల క‌ణ‌జాలాలు మ‌ర‌మ్మ‌త్తుల‌కు గుర‌వుతాయి. త్వ‌ర‌గా రిక‌వ‌రీ అవుతారు.
4. బాదం, పిస్తా, జీడిప‌ప్పు, వాల్ న‌ట్స్‌లో మ‌న శ‌రీరానికి కావ‌ల్సిన ముఖ్య‌మైన పోష‌కాలు, సూక్ష్మ పోష‌కాలు ఉంటాయి. ఇవి ప్రోటీన్లు, ఫైబ‌ర్‌, ఆరోగ్య‌క‌ర‌మైన కొవ్వుల‌ను కూడా అందిస్తాయి. అందువ‌ల్ల వ్యాయామం అనంత‌రం న‌ట్స్‌ను తినాలి. అలాగే గుమ్మడికాయ విత్త‌నాలు, పొద్దు తిరుగుడు విత్త‌నాలు, చియా సీడ్స్ ను కూడా తినాలి.
5. క్వినోవాలో పిండి ప‌దార్థాలు, ప్రోటీన్లు అధికంగా ఉంటాయి. అందువ‌ల్ల వ్యాయామం చేసిన అనంత‌రం వీటిని తినాలి.
6. వ్యాయామం చేసిన అనంత‌రం తినాల్సిన పండ్ల‌లో అర‌టి పండ్లు ఒకటి. వీటి వల్ల త్వ‌ర‌గా శ‌క్తి ల‌భిస్తుంది. కోల్పోయిన శ‌క్తిని తిరిగి పొంద‌వ‌చ్చు. పోష‌కాలు ల‌భిస్తాయి.
