మంచి వయసులో ఉన్నప్పుడు మనిషికి ఏది తిన్న దాన్ని జీర్ణం చేసుకునేంత శక్తి ఉంటుంది. కానీ మనిషి వయసు పైబడినా కొద్ది జీర్ణక్రియలో మార్పులు వస్తాయి. దీనివల్ల ఆరోగ్యం కూడా దెబ్బతింటుంది. దీనివల్ల ఆరోగ్యం కాపాడుకోవడం చాలా కష్టం అవుతుంది. ముఖ్యంగా నలభై ఏళ్లు దాటిన మహిళలు చాలా జాగ్రత్తగా ఉండాలని ఆరోగ్య నిపుణులు అంటున్నారు.. మరి 40 ప్లస్ దాటిన తర్వాత ఏం తినాలి? ఏం తినకూడదు అనేవి ఇప్పుడు చూద్దాం.. 40 సంవత్సరాలు దాటిన తర్వాత మీరు ఆరోగ్యంగా ఉండాలి అంటే తప్పనిసరిగా యాంటీ ఆక్సిడెంట్లు కలిగిన ఆహారం తీసుకోవాలి. దీని కోసం ముఖ్యమైన ఫుడ్ బెర్రీస్. ఇందులో ఉండే యాంటీ ఆక్సిడెంట్లు ఫ్రీ రాడికల్స్ ని నిరోధిస్తాయి. ఇవి అందం కోసమే కాకుండా గుండె మెదడు పనితీరును మెరుగుపరుస్తాయి. కాబట్టి రోజు వారి ఆహారంలో బెర్రీస్ తీసుకోవడం మంచిది.
40 సంవత్సరాలు దాటిన స్త్రీలలో మోనోఫాజ్ దగ్గరగా ఉంటుంది. కనుక వీరికి ఫ్రీ మోనోఫాజ్ సమస్యలు మొదలవుతాయి. బ్లాక్ బీన్స్ లో మెగ్నీషియం, పొటాషియం పుష్కలంగా ఉంటుంది. ఇందులో ఉండే రెండు రకాల ఖనిజ లవణాలు హార్మోన్ల నియంత్రణలో ఉపయోగపడతాయి. అంతేకాకుండా ఆహారంలో ఎక్కువ పండ్లు,తాజా కూరగాయలు, ఆకుకూరలు తీసుకోవడం మంచిది. వయసు పెరిగే కొద్ది ఆహారం విషయంలో జాగ్రత్త అవసరం. మహిళలే కాదు పురుషులు కూడా 40 ఏళ్లు దాటిన తర్వాత నిత్యం వ్యాయామం చేస్తూ ఫిట్ గా ఉండాలి.
40 ప్లస్ మహిళలకు వాల్నట్స్ మంచి స్నాక్స్. ఇది యాంటీ ఏజింగ్ ప్రక్రియలో ముఖ్య పాత్ర పోషిస్తుంది. వాల్నట్స్ ఆక్సిడేషన్ ప్రక్రియ వేగాన్ని తగ్గిస్తాయి. కరకరలాడే స్నాక్స్ తినాలనిపించినప్పుడు వాల్నట్స్ ఒక మంచి ఆప్షన్. దీనివల్ల జీవక్రియల రేటు కూడా పెరిగి ఆరోగ్యంగా ఉంటారు.
