Pushpa 2 Review : ఐకాన్ స్టార్ అల్లు అర్జున్ – సుకుమార్ కాంబినేషన్‌లో తెరకెక్కిన భారీ బడ్జెట్ సినిమా ‘పుష్ప2’. నేడు గ్రాండ్‌గా విడుద‌ల‌యిన ఈ చిత్రం థియేట‌ర్స్ లో తెగ సంద‌డి చేస్తుంది. ఈ సినిమా చూసేందుకు ప్రేక్షకాభిమానులు ఎంతో ఆసక్తిగా ఎదురుచూస్తున్నారు. దీంతో ఉదయం నుంచి థియేటర్ల చుట్టూ పండుగ వాతావరణం ఏర్పడింది. ఫ్లెక్సీలు, పూల తోరణాలు, భారీ ఎత్తు కటౌట్లతో థియేటర్ల వద్ద హంగామా మారుమోగిపోయింది. ఇక సినిమా క‌థ విష‌యానికి వ‌స్తే.. పార్ట్ 1 కి కొనసాగింపు గానే పుష్ప రాజ్(అల్లు అర్జున్) ఎర్ర చందనం సిండికేట్ లో రారాజుగా తన భార్య శ్రీవల్లి(రష్మిక మందన్నా) మాట కోసం ఎంత దూరం అయినా వెళ్లేందుకు సిద్ధ‌ప‌డ‌తాడు. శ్రీవల్లి అడిగిన ఒక చిన్న మాట కోసం తాను రాజకీయాలు ఎలా శాసించాడు. మరోపక్క పుష్ప ని ఎలాగైనా పట్టుకోవాలని చూస్తున్న భన్వర్ సింగ్ షేకావత్(ఫహాద్ ఫాజిల్) ఏం చేస్తాడు? పుష్ప కి తను కోరుకున్న ఇంటి పేరు తన అన్న మోహన్(అజయ్) నుంచి ఇప్పటికి అయినా తెచ్చుకోగలిగాడా అనేది చిత్రం చూస్తే తెలుస్తుంది.
కూలీగా జీవితాన్ని మొద‌లుపెట్టి సిండికేట్ నాయ‌కుడిగా పుష్పరాజ్ ఎలా ఎదిగాడ‌న్న‌ది పుష్ప పార్ట్ 1లో చూపించాడు డైరెక్ట‌ర్‌ సుకుమార్. పుష్ప 2 మాత్రం అందుకు పూర్తి భిన్నంగా పూర్తి క‌మ‌ర్షియ‌ల్ మూవీగా న‌డిపించాడు. సిండికేట్ నాయ‌కుడిగా మారిన త‌ర్వాత పుష్ప‌రాజ్‌కు ఎదురైన స‌వాళ్లు…. నేష‌న‌ల్ నుంచి ఇంట‌ర్నేష‌న‌ల్ వ‌ర‌కు తన సామ్రాజ్యాన్ని ఎలా విస్తారించాడ‌న్న‌ది ఎలివేష‌న్స్‌, బిల్డ‌ప్ షాట్స్‌తో నింపేశారు. బన్నీ హీరోయిజాన్ని పీక్స్‌లో చూపించారు. బన్నీ పై ప్ర‌తి సీన్‌కి సంబంధించిన ఎలివేషన్ నెక్స్ట్ లెవెల్లో ఉంది. సినిమాలో ఎమోషన్స్ కూడా బాగున్నాయి. ఇక ముఖ్యంగా సినిమాలో ఆయువు పట్టు ఏదన్నా ఉంది అంటే అది సెకండాఫ్ అని చెప్పాలి . జాతర సీన్ లో అల్లు అర్జున్ పెర్ఫామెన్స్ అయితే నభూతో న భవిష్యత్ అనే స్థాయిలో ఉంటుంది.
ప్రీ క్లైమాక్స్ లో రప్ప రప్పా యాక్షన్ బ్లాక్ కూడా సాలిడ్ ట్రీట్ ఇస్తుంది. జాతర సీన్ లో రష్మిక పై సీన్ విజిల్ కొట్టిస్తుంది. ఇంకా నటుడు ఫహాద్ ఫాజిల్ తన ఎంట్రీ సీన్ నుంచి పలు సన్నివేశాలు అందులో తన నటన తన వెర్సటాలిటీ చూపిస్తాయి. ఐటమ్ సాంగ్ లో కనిపించిన శ్రీలీల ఫుల్ సాంగ్ లో దుమ్ము లేపేసింది. అయితే చాలా చోట్ల పుష్ప రాజ్ డైలాగ్‌లు అర్థం కావు. డబ్బింగే అలా చెప్పాడా? లేదంటే ఆ డైలాగ్ మాడ్యులేషనే అలా ఉందా? లేదంటే పుష్పరాజ్ మ్యానరిజమే అది కాబట్టి డైలాగ్‌లు కూడా అలాగే చెప్పించారో ఏమో కానీ.. డైలాగ్‌లు అయితే చాలాచోట్ల అర్థం కావు.ఫహాద్ ఫాజిల్‌కి ఫస్ట్ పార్ట్‌లో సరైన ప్రాధాన్యత దగ్గలేదని కంప్లైంట్ వినిపించింది. నిజానికి అతని నటనకు తగ్గ స్కోప్ నిజంగానే లేదు. మొత్తంగా పుష్ప 2 అల్లు అర్జున్ అభిమానుల‌కు విజువ‌ల్ ఫీస్ట్‌గా నిలిచే క‌మ‌ర్షియ‌ల్ యాక్షన్ మూవీ
