మీ పిరుదులు అందంగా చ‌క్క‌ని ఆకృతి పొందాలంటే ఇలా చేయండి..!

శరీరంలోని దిగువ భాగాలు అందంగా వుండాలంటే, వాటి వ్యాయామం కొరకు అధికమైన బరువులు ఎత్తే అవసరం లేదు. కొన్ని సులభమైన వ్యాయామాలతో మీ పిరుదుల భాగాలను అందంగా ఆకర్షణీయంగా వుంచుకోవచ్చు. అవేమిటో చూద్దాం. శరీరంలోని అన్ని కండరాల కంటే కూడా పిరుదుల కండరాలు చాలా పెద్దవి. వీటికి బలం పట్టించడం చాలా కష్టమే కాని అసాధ్యం కాదు. పిరుదుల కండరాలకు వ్యాయామం ఎలా వుండాలో చూద్దాం. ముందుకు సాగటం – కాలి కొవ్వు, పిరుదుల కండరాలను ధృఢ పరచాలంటే ముందుకు శరీరాన్ని సాగదీయాలి. ఇది హనుమంతుడి పొజిషన్ అవుతుంది. చాలా సులభం.

కుడి పాదంతో పెద్ద అడుగు వేయండి చేతులు పిరుదులపై పెట్టుకొని మోకాళ్ళపై కూర్చోండి. ఇదే భంగిమను ఎడమ పాదంతో కూడా రిపీట్ చేయండి. నేల వ్యాయామాలు – చేతులను, మోకాళ్ళను నేలకానించండి. ఒక కాలిని ఛాతీనుండి వెనుకవైపుకు మీరు సాగతీయగలిగినంత సాగతీయండి. ఇదే మాదిరిగా రెండవ కాలు కూడా చేయండి. మెట్లు ఎక్కడం – ఒక గట్టి స్టూలు మీ ముందు వేయండి. మీరు నిలబడండి. ఒక పాదాన్ని దానిపై ఎక్కింకి పైకి లేవండి. ఇపుడు పాదాన్ని కిందకు దించండి. రెండవ పాదంతో అదే విధంగా చేయండి. ఈ చర్య మెట్లు ఎక్కుతున్నట్లు వుంటుంది. ఇది పిరుదు భాగాలు బలం పట్టటానికి సహకరిస్తుంది.

స్వ్కాట్స్ – తొడలకు, కాళ్ళకు, పిరుదులకు ఇది చాలా మంచిది. ఇవి ప్రతి రోజూ చేయవచ్చు. కాళ్ళు వెడల్పుగా పెట్టండి. మెల్లగా కిందకు వంగండి. రిలాక్స్ అవండి. పైకి లేవండి. ఈ వ్యాయామం కనీసం 10 నుండి 12 సార్లు చేయండి. సైకిలింగ్, రన్నింగ్, వాకింగ్, కిక్ బాక్సింగ్ మొదలైనవన్ని కూడా పిరుదు భాగాలకు వ్యాయామాలుగా పని చేస్తాయి. సైకిలింగ్, రన్నింగ్, వాకింగ్ లు శరీర కింది భాగం కొవ్వు క్రమేణా తగ్గించేస్తాయి.