ఇంటిలోని గ్రాండ్ పేరెంట్స్ నిద్ర సమస్యగా వుందంటున్నారా? అది మామూలే….వయసుతోబాటు నిద్రపోయే గంటలు కూడా మారుతూంటాయి. వయసు పైబడిన వారి నిద్ర గాఢంగా వుండదు. అది బాడీకి, మైండ్ కు విశ్రాంతినివ్వదు. నిద్ర బాగా పట్టాలంటే, నడక, వ్యాయామం, ఆరోగ్యకర ఆహారం, మనస్సు సంతోషంగా వుండటం వంటివి ప్రధానం. ఇక వయసుతోబాటు ఎంత నిద్ర ఎలా కావాలనేది పరిశీలిద్దాం……..! అపుడే పుట్టిన పిల్లలు సుమారు 16 నుండి 18 గంటలు ప్రతి రోజూ నిద్రించాలి. పిల్లలు 50 శాతం నిద్ర రెమ్ దశలో పోతారు. రోజులో పొందిన సమాచారమంతా రెమ్ స్టేజిలో ప్రాసెస్ అవుతుంది. బేబీకి సమాచారం అధిక బరువనిపిస్తుంది.
బేబీలకు ఎక్కువ గంటలు నిద్రకు కావాలనేదానికి మరో కారణం వుంది. శరీరం వారికి ఇంకా ఎదగాల్సివుంది. రొటీన్ కు అలవాటు పడేటంతవరకు బేబీలో ఈ నిద్ర కొనసాగుతూనే వుంటుంది. రెగ్యులర్ రొటీన్ లోకి రావడానికి బేబీకి కనీసం 6 నెలలు పడుతుంది. 3 సంవత్సరాలకు గాని పగటి నిద్ర తగ్గదు. 2 నుండి 4 సంవత్సరాల వయసుకు ఒక నిద్రా సమయానికి అలవాటు పడతారు. కనీసం వీరికి 11 నుండి 13 గంటల నిద్ర కావాలి. ఈ దశలో వారు తమపై శ్రధ్ధ చూపాలంటూ కోరి సరి అయిన సమయానికి నిద్ర పోరు. పేరెంట్స్ ఈ ఆలోచనకు ప్రాధాన్యత నివ్వక వారిని ఒక ప్రత్యేక గదిలో పడుకోబెట్టాలి. మధ్య రాత్రిలో మెళుకువ వచ్చినా వారు మరల నిద్రలోకి జారుకుంటారు.
టీనేజర్లకు 9 నుండి 10 గంటల నిద్ర కావాలి. ఈ వయసులో వారు అనేక విషయాలు తెలుసుకుంటారు. నేర్చుకుంటారు. ఈ సమాచారమంతా కూడా నిద్రలో ప్రాసెస్ అవాలి. ప్రాసెస్ అయిన సమాచారం పరీక్ష పేపర్లలో ప్రతిబింబించి వారి స్టడీస్ లోను జీవితంలోను బాగుండటానికి తోడ్పడుతుంది. వృద్ధాప్యం వచ్చే కొద్ది నిద్రలో క్వాలిటీ తగ్గుతుంది. పెద్ద వారికి కనీసం 8 గంటలు నిద్ర అవసరమైనప్పటికి వారు శరీరాన్ని కష్టపెట్టి నిద్ర తేలేరు కనుక వారికది సాధ్యం కాదు. వీరి రొటీన్ నిద్ర తరచుగా డిస్టర్బ్ అవుతుంది. ఈ నిద్ర రాని పరిస్ధితి అధిగమించటానికి వీరు స్లీపింగ్ పిల్స్ ఆశ్రయిస్తారు. అయితే నిద్రించటానికి సహజమార్గాలు కొన్ని వున్నాయి. వీటిలో ప్రధానమైనదంటే, చక్కటి వేడి నీటితో స్నానం చేయటం. లేదా పుస్తకాలు చదవటం లేదా సంగీతం వినటం లేదంటే చిన్నపాటి వ్యాయామం చేయటం.
