Soaked Almonds : మనం ఆహారంగా తీసుకునే డ్రై ఫ్రూట్స్ లో బాదంపప్పు కూడా ఒకటి. బాదంపప్పు చాలా రుచిగా ఉంటుంది. చాలా మంది దీనిని ఇష్టంగా తింటారు. అనేక రకాల తీపి వంటకాల తయారీలో కూడా బాదంపప్పును వాడుతూ ఉంటాము. బాదంపప్పులో అనేక రకాల పోషకాలు ఉంటాయి. వీటిని తీసుకోవడం వల్ల మన ఆరోగ్యానికి ఎంతో మేలు కలుగుతుంది. అయితే వీటిని నేరుగా తీసుకోవడానికి బదులుగా ఈ బాదంపప్పును నానబెట్టి వాటిపై ఉండే పొట్టును తీసేసి తీసుకోవడం వల్ల మన ఆరోగ్యానికి మరింత మేలు కలుగుతుందని నిపుణులు చెబుతున్నారు. నానబెట్టిన బాదంపప్పులను తీసుకోవడం వల్ల మన ఆరోగ్యానికి కలిగే ప్రయోజనాలు ఏమిటి.. అన్న వివరాలను ఇప్పుడు తెలుసుకుందాం. సమతుల్యమైన ఆహారాన్ని తీసుకోవాలనుకునే వారు బాదంపప్పును ఆహారంగా తీసుకోవడం చాలా ముఖ్యం. బాదంపప్పును నానబెట్టి తీసుకోవడం వల్ల వాటిలో ఉండే విష పదార్థాలు పూర్తిగా తొలగిపోతాయి.
అలాగే ఇవి సులభంగా జీర్ణమవుతాయి. బాదంపప్పును నానబెట్టి తీసుకోవడం వల్ల జీర్ణక్రియ మెరుగుపడుతుంది. జీర్ణక్రియ సమస్యలు ఉన్నవారు పచ్చిబాదంపప్పును తినడానికి బదులుగా ఇలా నానబెట్టి తీసుకోవడం వల్ల మంచి ఫలితం ఉంటుంది. అలాగే వీటిని తీసుకోవడం వల్ల మనం సులభంగా బరువు తగ్గవచ్చు. వీటిలో ఉండే ఫైబర్ మనకు కడుపు నిండిన భావనను కలిగించడంలో సహాయపడుతుంది. దీంతో మనం ఆరోగ్యంగా బరువు తగ్గవచ్చు. అలాగే బాదంపప్పులో మోనోఅన్ శాచురేటెడ్ కొవ్వులు ఉంటాయి. ఇవి గుండె ఆరోగ్యాన్ని మెరుగుపరచడంలో సహాయపడతాయి. ఇక నానబెట్టిన బాదంపప్పులను తీసుకోవడం వల్ల రక్తంలో చక్కెర స్థాయిలు అదుపులో ఉంటాయి. వీటిని ఆహారంలో భాగంగా చేసుకోవడం వల్ల మధుమేహ వ్యాధి గ్రస్తులకు ఎంతో మేలు కలుగుతుంది. అంతేకాకుండా బాదంపప్పులో యాంటీ ఆక్సిడెంట్లు పుష్కలంగా ఉంటాయి.
![Soaked Almonds : ఈ 10 లాభాల గురించి తెలిస్తే నానబెట్టిన బాదంపప్పులను ఇప్పుడే తినడం మొదలు పెడతారు..! Soaked Almonds know about these 10 health benefits](https://i0.wp.com/ayurvedam365.com/wp-content/uploads/2024/01/soaked-almonds.jpg?resize=1200%2C675&ssl=1)
ఇవి కణాల ఆక్సీకరణ ఒత్తిడిని తగ్గించడంలో సహాయపడతాయి. దీంతో మనం అనేక దీర్ఘకాలిక అనారోగ్య సమస్యల బారిన పడకుండా ఉంటాము. అలాగే బాదంపప్పులో విటమిన్ ఇ ఎక్కువగా ఉంటుంది. ఇది చర్మ ఆరోగ్యాన్ని మెరుగుపరచడంలో సహాయపడతాయి. అలాగే బాదంపప్పులో బయోటిన్ మరియు ఎసెన్షియల్ ఫ్యాటీ యాసిడ్లు ఉంటాయి. ఇవి జుట్టు కుదుళ్లను బలంగా తయారు చేయడంలో సహాయపడతాయి. ఈ విధంగా నానబెట్టిన బాదంపప్పును తీసుకోవడం వల్ల మన ఆరోగ్యానికి ఎంతో మేలు కలుగుతుందని అందరూ వీటిని ఆహారంలో భాగంగా తీసుకునే ప్రయత్నం చేయాలని నిపుణులు చెబుతున్నారు.