గుండె మంట అంటే ఛాతీ భాగంలో వేడిగా వున్నట్టనిపిస్తుంది. సాధారణంగా దీనికి కారణం పొట్టలో అధిక ఎసిడిటీ, గ్యాస్ ఏర్పడటం. హైపర్ ఎసిడిటీ అనేది అనారోగ్య తిండి అలవాట్లు, సరైన జీవన విధానం లేకపోవడంతో వస్తుంది. మనం ఏదైనా తిన్నామంటే, పొట్ట కొన్ని జీర్ణరసాలను విడుదల చేస్తుంది. వీటినే పొట్ట యాసిడ్లు అంటారు. వివిధ రకాల పదార్ధాలు తింటే పొట్ట అధికమైన గ్యాసు విడుదల చేస్తుంది. ఎసిడిటీ, గ్యాస్ సమస్య వస్తుంది. ఎసిడిటీ, గ్యాస్ ల కారణంగా ఈసోఫేగస్ దెబ్బతినకుండా ఒక వాల్వ్ వుంటుంది. ఈసోఫేగస్ పొట్టను ఫేరీక్స్ ను కలుపుతుంది. ఈ వాల్వ్ దెబ్బతిన్నా లేక సరిగా పనిచేయకపోయినా ఎసిడిటీ మరియు గ్యాస్ గుండె వెనుకగల రిబ్స్ వద్ద బ్లాక్ అయి గుండె మంట వస్తుంది. ఈ ప్రక్రియను రిఫ్లక్స్ అంటారు.
గుండె మంట సూచనలు సాధారణంగా వికారం, త్రేన్పులు, కొద్దిపాటి గుండె నొప్పి, మొదలైన వాటితో వస్తాయి. ఈ గుండె మంటకు కొన్ని పరిష్కారాలు చూడండి….. పెప్పర్ మింట్ టీ – అధిక యాసిడ్ ను ఉత్పత్తి చేసే పొట్ట కండరాలకు హాయి కలిగించే శక్తి పెప్పర్ మెంట్ లోని మెంధాల్ కు వుంది. పొట్ట కండరాలు సంకోచించటం అరికట్టగలిగితే, అది పొట్టనుండి అధిక యాసిడ్ రావటాన్ని ఆపుతుంది. పెప్పర్ మెంట్ వాడకం ఇంట్లో చేసుకునేటందుకు మంచి చికిత్స. బేకింగ్ సోడా మరియు నీరు – నీళ్ళల్లో ఒక చెంచాడు బేకింగ్ సోడా వేసుకొని బాగా కలిపి తాగండి. గుండె మంటనుండి తక్షణ రిలీఫ్ వస్తుంది. రుచి బాగా లేకపోయనప్పటికి బాగా పని చేస్తుంది. బేకింగ్ పౌడర్ లో వుండే సోడియం బాగా పనిచేస్తుంది.
బొప్పాయి పండులో పాపెయిన్ అనే పదార్ధం వుంది. ఇది ఆహారాన్ని త్వరగా జీర్ణం చేసి పొట్టలోని అసౌకర్యాన్ని, గుండెలో వచ్చిన మంటను కూడా తగ్గిస్తుంది. అల్లంకు మంట తగ్గించే శక్తి వుంది. సుమారు 500 మి.గ్రా. అల్లం పచ్చిది లేదా ఇతర ఆహారంతో కలిపి తీసుకోండి. లేదా అల్లం టీ తాగి రిలీఫ్ పొందండి. బాదం పప్పు – గుండె మంట వచ్చినపుడు రెండు బాదం పప్పులు తినండి. వీటిలో వుండే అధికమైన నూనె పొట్టలో ఏర్పడిన ఎసిడిటీని దూరం చేస్తుంది. వెంటనే గుండెమంట తగ్గుతుంది. గుండెమంట త్వరగా పోవాలంటే, గ్యాస్ అంటూ మందులు వాడే కన్నా ఇంట్లోనే ఈ చికిత్సలు జరుపుకోండి.
