లోకో పైలట్లు భారత రైల్వేలోని స్టేషన్లలో రింగులు ఎందుకు మార్పిడి చేస్తారు?

నేను లోకో పైలట్ గా ప్రధాన్ ఖంట అనే స్టేషన్ నుండి సింద్రీ స్టేషన్ ల మధ్య ఉండే సింగల్ లైన్ లో ఇలాంటి టోకెన్ వ్యవస్థలో పని చేసాను. సింగల్ లైన్ వ్యవస్థ లో ఒకే లైన్ పైన రెండు వైపులా ( రావడానికి, పోవడానికి) రైళ్ళను నడుపుతారు. కాబట్టి ఒక రైలు బ్లాక్ స్టేషన్ ( రెండు స్టేషన్ల మధ్య ఉండే సెక్షన్ ) లోకి ఒకవైపు నుండి వచ్చిందంటే , ఎలాంటి పరిస్తితుల్లో ఇంకో రైలు అదే బ్లాక్ సెక్షన్ లోకి రాకూడదన్నమాట. ఇలాంటి సేఫ్టీ కోసం ఒక యంత్ర పరికరాన్ని స్టేషన్ లలో వాడతారు. దీన్ని సింగల్ లైన్ టోకెన్ బ్లాక్ పరికరం అంటారు. దీన్ని నీల్ బ్లాక్ పరికరం అని కూడా అంటారు.

ఉదాహరణకు: రెండు పక్క పక్క స్టేషన్ లు X మరియు Y ఉన్నాయనుకుంటే, X స్టేషన్ మాస్టర్ టెలిఫోన్ ద్వారా, బ్లాక్ పరికరం ద్వారా Y స్టేషన్ మాస్టర్ ను లైన్ క్లియర్ కోసం అడుగుతాడు.Y స్టేషన్ మాస్టర్ తన దగ్గరున్న బ్లాక్ పరికరం ను వాడి లైన్ క్లియర్ఇస్తాడు.అప్పుడు ఆ లైన్ క్లియర్ X స్టేషన్ మాస్టర్ బ్లాక్ పరికరం లో కూడా క‌న‌బ‌డుతుంది. తర్వాత X స్టేషన్ మాస్టర్ తన బ్లాక్ పరికరం ను ఉపయోగించి దాని నుండి టోకెన్ ను పొందుతాడు. అప్పుడు ఈ టోకెన్ ను ఒక టోకెన్ సంచి లో వేస్తాడు. ఆ సంచి ఉన్న రింగు ను లోకో పైలట్ కు ముందుకు వెళ్లేందుకు అధికారం ఇస్తున్నట్లుగా బ్లాక్ సెక్షన్ లో లైన్ క్లియర్ అని ఇస్తారు. అయితే లోకో పైలట్ దగ్గర ముందు స్టేషన్ లో ఇలాగే తీసుకున్న టోకెన్ ఉంటుంది. ముందు ఆ టోకెన్, ఇక్కడ స్టేషన్ మాస్టర్ కు కనపడే ప్రదేశంలో ఇచ్చి కొత్త టోకెన్ తీసుకుంటాడు.

ఇలా ప్రతి స్టేషన్ లో ముందుకు వెళ్ళే అధికారం కోసం టోకెన్ తీసుకుంటూనే ఉండాలి. తీసుకున్న టోకెన్ ను, స్టేషన్ మాస్టర్ వెంటనే బ్లాక్ పరికరం లోకి పంపాలి.బంతి లాంటి వైతే 36 సంఖ్యలో,బిళ్ళ లాంటివైతే 40 సంఖ్యలో బ్లాక్ సెక్షన్ లోని బ్లాక్ పరికరాలలో ఉంటాయి. కాని ఒక్కో సారి ఒక్క టోకెన్ మాత్రమె బయటకు తీయ వచ్చు. ఇంకో ముఖ్య మైన విషయం ఏమంటే ఒకసారి X స్టేషన్లో ఒక టోకెన్ ను బయటకు తీస్తే ఇంకో టోకెన్ ను X స్టేషన్ లో కాని Y స్టేషన్ లో కాని తీయలేరు.అలా తీయాలంటే ముందు తీసిన టోకెన్ ను , X కానీ Y స్టేషన్ లో కానీ తిరిగి తప్పని సరిగా లోనికి పంపాలి .