Egg 65 : మ‌న‌కు రెస్టారెంట్ ల‌లో, ఫాస్ట్ ఫుడ్ సెంట‌ర్ల‌ల‌లో ల‌భించే ఎగ్ వెరైటీస్ లో ఎగ్ 65 కూడా ఒక‌టి. ఎగ్ 65 చాలా రుచిగా ఉంటుంది. దీనిని పిల్ల‌లు, పెద్ద‌లు అంద‌రూ ఎంతో ఇష్టంగా తింటారు. ఎంతో రుచిగా, క‌ర‌క‌ర‌లాడుతూ ఉండే ఈ ఎగ్ 65 ను మ‌నం ఇంట్లో కూడా త‌యారు చేసుకోవ‌చ్చు. ఎవ‌రైనా దీనిని సుల‌భంగా త‌యారు చేసుకోవ‌చ్చు. దీనిని త‌యారు చేసుకోవ‌డానికి ఎక్కువ‌గా శ్ర‌మించాల్సిన అవ‌స‌రం కూడా లేదు. ఇంట్లోనే సుల‌భంగా ఎగ్ 65 ను ఎలా త‌యారు చేసుకోవాలి…త‌యారీకి కావ‌ల్సిన ప‌దార్థాలు ఏమిటి..అన్న వివ‌రాల‌ను ఇప్పుడు తెలుసుకుందాం.
ఎగ్ 65 త‌యారీకి కావ‌ల్సిన ప‌దార్థాలు..
ఉడికించిన కోడిగుడ్లు – 5, త‌రిగిన ప‌చ్చిమిర్చి – 2, క‌రివేపాకు – ఒక రెమ్మ, వెల్లుల్లి త‌రుగు – ఒక టీ స్పూన్, అల్లం వెల్లుల్లి పేస్ట్ – ఒక టీ స్పూన్, మైదాపిండి – 2 టేబుల్ స్పూన్స్, కార్న్ ఫ్లోర్ – 2 టేబుల్ స్పూన్స్, నిమ్మ‌ర‌సం – అర చెక్క, ఎగ్ వైట్ – ఒక గుడ్డు నుండి తీసినంత, కారం – ఒక టీ స్పూన్, ధ‌నియాల పొడి – ఒక టీ స్పూన్, గ‌రం మ‌సాలా – ఒక టీ స్పూన్, త‌రిగిన కొత్తిమీర – కొద్దిగా, ఉప్పు – త‌గినంత, రెడ్ చిల్లీ సాస్ – ఒక టేబుల్ స్పూన్, నూనె – డీప్ ప్రైకు స‌రిప‌డా.
ఎగ్ 65 త‌యారీ విధానం..
ముందుగా కోడిగుడ్ల‌ల్లో ఉండే ప‌చ్చ సొన‌ను తీసేసి వాటిని చిన్న ముక్కలుగా క‌ట్ చేసుకుని ఒక గిన్నెలోకి తీసుకోవాలి. త‌రువాత ఇందులో అల్లం వెల్లుల్లి పేస్ట్, ఉప్పు, కారం, ధ‌నియాల పొడి, మైదాపిండి, కార్న్ ఫ్లోర్, గ‌రం మ‌సాలా, నిమ్మ‌ర‌సం, ఫుడ్ క‌ల‌ర్ వేసి క‌ల‌పాలి. త‌రువాత ఇందులో ఎగ్ వైట్ వేసి క‌ల‌పాలి. ఇప్పుడు క‌ళాయిలో నూనె పోసి వేడి చేయాలి. నూనె వేడ‌య్యాక కోడిగుడ్డు మిశ్ర‌మాన్ని కొద్ది కొద్దిగా తీసుకుంటూ ప‌కోడీలా వేసుకోవాలి. వీటిని మ‌ధ్య‌స్థ మంట‌పై ఎర్ర‌గా అయ్యే వ‌ర‌కు వేయించుకుని ప్లేట్ లోకి తీసుకోవాలి. త‌రువాత క‌ళాయిలో ఒక టేబుల్ స్పూన్ నూనె వేసి వేడి చేయాలి.
త‌రువాత ఇందులో వెల్లుల్లి త‌రుగు, ప‌చ్చిమిర్చి, క‌రివేపాకు వేసి వేయించాలి. త‌రువాత ఇందులో రెడ్ చిల్లీ సాస్ వేసి క‌ల‌పాలి. త‌రువాత ఇందులో వేయించిన కోడిగుడ్డు వేసి క‌ల‌పాలి. దీనిని 2 నిమిషాల పాటు వేయించిన త‌రువాత కొత్తిమీర వేసి క‌లిపి స్ట‌వ్ ఆఫ్ చేసుకోవాలి. ఇలా చేయ‌డం వల్ల ఎంతో రుచిగా ఉండే ఎగ్ 65 త‌యార‌వుతుంది. దీనిని ట‌మాట కిచ‌ప్ తో క‌లిపి తింటే చాలా రుచిగా ఉంటుంది. సాయంత్రం స‌మ‌యాల్లో కోడిగుడ్ల‌తో ఇలా ఎగ్ 65 ను త‌యారు చేసుకుని తిన‌వ‌చ్చు. బ‌య‌ట కొనుగోలు చేసే ప‌ని లేకుండా ఇలా ఇంట్లోనే ఎగ్ 65 ను త‌యారు చేసుకోవ‌చ్చు. దీనిని అంద‌రూ ఎంతో ఇష్టంగా తింటారు.
