ఈ మ‌ధ్య కాలంలో మోసాలు ఎక్కువైపోతున్నాయి.ప్ర‌జ‌ల‌ని మోసం చేసేందుకు స‌రికొత్త ప్లాన్స్ చేస్తున్నారు.ఇటీవల కొత్తరకం మోసాలకు పాల్పడుతున్నారు స్కామర్లు. పార్శిల్ స్కామ్, ఫేక్ డిజిటల్ అరెస్ట్ స్కామ్ పేర్లతో అమాయకుల నుంచి కోట్లాది రూపాయలను కాజేస్తున్నారు. ఇప్పటికే ఇలాంటి కేసుల్లో అనేక మంది చిక్కుకుని భారీగా నష్టపోయారు. తాజాగా డిజిటల్ అరెస్ట్ స్కామ్ ఎక్కువైపోయింది. ఈ స్కామ్ ఎలా చేస్తారంటే.. ‘హలో! నేను సీబీఐ అధికారిని.. మీకు ఓ పార్శిల్ వచ్చింది.. అందులో నిషేధిత వస్తువులు ఉన్నాయి.. మీపై కేసు నమోదు చేస్తున్నాం.. మీరు కేసు నుంచి బయట పడాలంటే కొంత డబ్బును చెల్లించాల్సి ఉంటుంది’.. అంటూ మ‌న‌ల్ని ఇబ్బందుల్లోకి నెట్టేస్తుంటారు.
ఈ రోజుల్లో డిజిటల్ ప్రపంచంలో కొత్త కొత్త మోసాలు జరుగుతున్నాయి. డిజిటల్ అరెస్ట్ ప్ర‌కారం కోసం కాల్ చేసిన వారు సీబీఐ, కస్టమ్, ఈడీ అధికారులమని మీతో చెప్పుకుంటారు. ఇలాంటి మోసాలను నమ్మకూడదని కేంద్రం చెబుతుంది. తాజాగా సూచనలు కూడా చేసింది. భారతదేశంలో పెరుగుతున్న డిజిటల్ అరెస్ట్ నేరాల కేసులకు సంబంధించి ఇండియన్ సైబర్ క్రైమ్ కోఆర్డినేషన్ సెంటర్ పబ్లిక్ అడ్వైజరీ కూడా జారీ చేసింది. సీబీఐ, పోలీస్, కస్టమ్స్, ఈడీ లేదా న్యాయమూర్తులు వంటి చట్టాన్ని అమలు చేసే సంస్థలు వీడియో కాల్‌ల ద్వారా అరెస్టులు చేయవు. ఈ విషయాన్ని గుర్తుంచుకోవాలి.
డిజిటల్ అరెస్ట్ స్కామ్ లేదా పార్శిల్ స్కామ్ అని పిలిచే ఈ స్కామ్‌లో నేరస్థులు చట్టపరమైన అధికారులుగా నటించి అనుమానాస్పద వ్యక్తుల నుంచి డబ్బును దోచుకోవడానికి భయాందోళన కలిగిస్తారు. అనుమానాస్పద పార్శిల్ ఆధారంగా బాధితుడు నేరం చేశాడని, ఒత్తిడిని పెంచడానికి వారిని ఆన్‌లైన్‌లో ఉంచడంతో పాటు ఒంటరిగా ఉంచడం, చట్టపరమైన పరిణామాలను ఎదుర్కోవడానికి బాధితుడిని డబ్బు చెల్లించమని తరచుగా డిమాండ్ చేస్తుంటారు.
మీరు కాలర్ గుర్తింపు గురించి కచ్చితంగా తెలియకుంటే ఫోన్‌లో వ్యక్తిగత లేదా ఆర్థిక సమాచారాన్ని ఎప్పుడూ షేర్ చేయవద్దు.అత్యవసర అభ్యర్థనలపై సందేహాస్పదంగా ఉండండి. స్కామర్లు తరచుగా అత్యవసర భావాన్ని క్రియేట్ చేస్తారు. తక్షణ పేమెంట్ల కోసం ఏవైనా అభ్యర్థనలు లేదా చట్టపరమైన బెదిరింపుల పట్ల సందేహాస్పదంగా ఉండండి. యూజర్ల భద్రతను పెంచేందుకు తాము ప్రభుత్వ సైబర్ సెక్యూరిటీ ఏజెన్సీలతో సహకరిస్తున్నట్లు వాట్సాప్, స్కైప్ గతంలో పేర్కొన్నాయి. అలాంటి నేరాలను హెల్ప్‌లైన్ నంబర్ 1930కు చెప్పాలని, సైబర్ క్రైమ్ వెబ్‌సైట్‌లో కంప్లైంట్ చేయాలని కేంద్రం చెబుతోంది.
