ప్రతి రోజూ ఆపిల్స్ తింటే గుండెజబ్బులు దూరమవుతాయని రీసెర్చర్లు వెల్లడించారు. గుండె ఆరోగ్యాన్ని ప్రభావించే నైట్రిక్ ఆక్సైడ్ ఉత్పత్తిని, ఎండోధిలియాల్ పనిచేసే తీరును యూనివర్శిటీ ఆఫ్ వెస్ట్రన్ ఆస్ట్రేలియా లోని ఫార్మకాలజీ డాక్టరల్ విద్యార్ధి కేధరైన్ బొండానో పరిశీలించారు. ఎండో ధీలియం అనేది రక్త నాళాలను కప్పేటటువంటి ఒక సింగల్ లేయర్ సెల్స్ అనిఅది నైట్రిక్ ఆక్సైడ్ ఉత్పత్తి చేస్తుందని బొండానో తెలిపారు.
ఆపిల్ తొక్కలో ఫ్లేవనాయిడ్లు విటమిన్ పి మరియు సిర్ట్రిన్ గా వుంటాయని అవి పండ్లకు మంచి రుచినిస్తాయని తెలిపారు. ఈ పండునుండి లభించే నైట్రిక్ ఆక్సైడ్ శరీరంలోని కండరాలను రిలాక్స్ చేస్తుందని తద్వారా రక్తనాళాలు వ్యాకోచించి రక్తసరఫరా పెరుగుతుందని ఆమె తెలిపారు.
అయితే, ఆపిల్ ఇచ్చే ఫలితం తొక్కతో తింటేనే లభిస్తుందన్నారు. రక్త ప్రవాహంలో ఆపిల్ తిన్న తరవాత ఫ్లేవనాయిడ్ల పెరుగుదలను ఆమె కనుగొన్నారు. ఫ్లేవనాయిడ్లు వుండే ఆపిల్ నైట్రిక్ ఆక్సైడ్ పెంచి, ఎండోధిలియాల్ బాగా పనిచేయించి చేసి గుండె సంబంధిత వ్యాధులు నివారించేలా చేస్తుందని వెల్లడించారు.
