దానిమ్మ గింజలు తింటే ఆరోగ్యానికి చాలా మంచివి. అవి కేన్సర్ ను అరికట్టడానికి, గుండె జబ్బులను అరికట్టడానికి, సెక్స్ సామర్ధ్యం పెంచుకోడానికి బాగా పని చేస్తాయని గతంలోనే పరిశోధనలు తేల్చాయి. అయితే ఇపుడు సైంటిస్టులు దానిమ్మ రసం తాగితే పొట్ట చుట్టూ వున్న కొవ్వు కరిగి పోతుందని, సహజంగా ఆడవారికి అక్కడ ఏర్పడే టైర్లవంటి పొట్టభాగాలు మాయమైపోతాయని కూడా కనిపెట్టారు.
పొట్ట చుట్టూ వుండే టైరు వుంటి కొవ్వు భాగాన్ని, మగవారికి స్పేర్ టైర్ అని, ఆడవారికి మఫిన్ టాప్ అని వ్యవహరిస్తారు. ప్రతిరోజూ నాలుగు వారాలపాటు రోజుకు 500 మి.లీ. ఒక బాటిల్ దానిమ్మ రసం తాగిన మహిళలకు పొట్ట కొవ్వు ఏర్పడటం లేదట. దానిమ్మ గింజలు రక్తంలోని ఫ్యాటీ యాసిడ్ లను తగ్గిస్తాయట.
అంతేకాక, వీరి రక్తపోటు కూడా తక్కువగా వుందని, కనుక గుండె లేదా కిడ్నీ వ్యాధులు కూడా వచ్చే అవకాశం లేదని వీరు తెలిపినట్లు డైలీ మెయిల్ తెలిపింది. ఎడిన్ బర్గ్ యూనివర్శిటీ స్కూల్ ఆఫ్ హెల్త్ సైన్సెస్ రీసెర్చర్లకు నేతృత్వం వహించిన ఎమాద్ అల్దుజైలి మరియు కేధరిన్ సాంగ్ లు ఈ పరిశోధనలు నిర్వహించారని ది డెయిలీ మెయిల్ పత్రిక తెలిపింది.
