కండరాల నొప్పులు అనేవి సహజంగానే చాలా మందికి వస్తుంటాయి. శరీరంలో ఎక్కడో ఒక చోట దెబ్బ తగలడం లేదా కండరాలు పట్టుకుపోవడం వల్ల కండరాల నొప్పి వస్తుంటుంది. అయితే ఈ విధంగా కండరాల నొప్పి ఉంటే చాలా ఇబ్బందిగా అనిపిస్తుంది. ఏ పనీ చేయలేరు. కానీ కింద తెలిపిన చిట్కాలను పాటిస్తే కండరాల నొప్పి నుంచి వెంటనే ఉపశమనం లభిస్తుంది. మరి అందుకు ఏం చేయాలంటే..
1. నువ్వుల నూనెను కొద్దిగా తీసుకుని వేడి చేయాలి. దాంతో నొప్పి ఉన్న చోట సున్నితంగా మర్దనా చేయాలి. రోజుకు రెండు సార్లు ఈవిధంగా చేస్తుంటే కండరాల నొప్పులు తగ్గుతాయి.
2. గోరు వెచ్చని పాలను రోజుకు రెండు సార్లు తాగడం వల్ల కండరాల నొప్పులు తగ్గుతాయి.
3. అరటీస్పూన్‌ త్రిఫల చూర్ణాన్ని ఒక కప్పు గోరు వెచ్చని నీటిలో కలిపి రాత్రి పూట తాగాలి. నొప్పులు తగ్గుతాయి.
4. మహాశంఖవటి, లసూవాదివటి ఔషధాలను వాడుకోవచ్చు. నొప్పులు తగ్గుతాయి.
5. దశమూల చూర్ణం అర టీస్పూన్‌ తీసుకుని ఒక కప్పు నీళ్లలో వేసి మరిగించి అందులో కొద్దిగా పాలు కలిపి తాగాలి. దీన్ని రోజుకు ఒక్కసారి తీసుకుంటే కండరాల నొప్పులు తగ్గుతాయి.
6. యోగరాజ గుగ్గులు, నువ్వుల నూనెతో శరీరాన్ని మర్దనా చేసుకోవాలి. గంట ఆగి స్నానం చేయాలి. అన్ని రకాల నొప్పులు తగ్గుతాయి.
7. రాత్రి పూట వంకాయలు, మినుములు, పెరుగు, వేరుశెనగలు తీసుకోరాదు. నొప్పి ఉన్న చోట రక్త సరఫరా మెరుగు పడితే నొప్పి తగ్గుతుంది. అందుకు గాను ఆ ప్రదేశంపై చేత్తో అదిమిపట్టాలి. 1,2 నిమిషాలు ఉంచి తీసేయాలి. ఇలా చేస్తుంటే నొప్పి నుంచి ఉపశమనం లభిస్తుంది.
