ఐదేళ్ల బాబు తండ్రి తెచ్చిన కేక్ తినడం వలన చనిపోయాడు. బాబు తండ్రి బాలరాజు స్విగ్గి డెలివరీ ఎగ్జిక్యూటివ్ గా బెంగళూరు భువనేశ్వరి నగర్ లో పని చేస్తున్నారు. ఒక కస్టమర్ కేక్ ని క్యాన్సిల్ చేసిన తర్వాత, ఆ కేక్ ని బాలరాజు ఇంటికి తీసుకువచ్చారు. అయితే, ఆ కేక్ ని తిని బాలుడు చనిపోయాడు. ఆ బాలుడు పేరు ధీరజ్ అని తెలుస్తోంది. క్యాన్సిల్ చేస్తున్న కేక్ ని వీరి కుటుంబం ఇంటికి తెచ్చాక తిన్నారు.
ధీరజ్ అనారోగ్యానికి గురయ్యారు. తర్వాత బాలరాజు తన భార్య నాగలక్ష్మి కూడా అనారోగ్యానికి గురయ్యారు. చుట్టుపక్కల వాళ్ళు వారి కుటుంబాన్ని కిమ్స్ హాస్పిటల్ కి తరలించారు. ఈ సంఘటనకి సంబంధించి మరిన్ని వివరాలు తెలియాల్సి ఉంది. ఇది చూసిన వాళ్ళందరూ కూడా కన్నీళ్లు పెట్టుకుంటున్నారు. స్విగ్గి టీం వాళ్లు ఆసుపత్రికి వెళ్లి కావాల్సినంత సపోర్ట్ అందించినట్లు చెప్పారు.
ఇన్వెస్టిగేషన్ చేయడానికి పూర్తిగా సహకరిస్తున్నట్లు కూడా చెప్పారు. ఫుడ్ సేఫ్టీ మొదటి ప్రయారిటీ అని FSSAI లైసెన్స్ ఉన్నచోట నుంచి మాత్రమే ఫుడ్ డెలివరీ చేస్తామని చెప్పారు. ఫుడ్ పాయిజనింగ్ వల్ల ఇలా జరిగి ఉండొచ్చని పోలీసులు చెప్తున్నారు. ఒకవేళ కుటుంబమంతా ఆత్మహత్యాయత్నానికి ప్రయత్నం చేశారేమో అని కూడా ఆరా తీస్తున్నారు. ఇన్వెస్టిగేషన్ తర్వాత దీనికి సంబంధించి పూర్తి వివరాలు బయటికి వస్తాయి. ఒకసారి తల్లిదండ్రులు రికవరీ అయిన తర్వాత పూర్తి సమాచారం బయటకు వస్తుందని పోలీసులు అంటున్నారు.
