ఇంటి నుంటి కాలు బయటకు పెడితే చాలు.. వెంటనే చెప్పులు తొడిగేస్తాం. కాళ్లకు దుమ్ము, దూళి అంటుకుని పాడవుతాయేమోనన్న భయం. పిల్లలు ఆడుకోవడానికి వెళ్తే చెప్పులు లేకుండా పంపించం. కొందరైతే.. ఇంట్లో కూడా చెప్పులు వేసుకుంటూ ఉంటారు. మన లైఫ్‌లో చెప్పులు కూడా ఓ భాగమయిపోయాయి. కానీ, మన పెద్దవాళ్లు పొలంలో చేసినా, ఏదైనా పనులుకు బయటకు వెళ్లినా.. చెప్పులకు అంత ఇంపార్టెన్స్‌ ఇచ్చేవాళ్లు కాదు. వాళ్లు ఏ హెల్త్ ప్రాబ్లమ్‌ లేకుండా ఎన్నో ఏళ్లు హ్యాపీగా జీవించేవాళ్లు. రోజులో కొంచెం సేపైనా చెప్పులు లేకుండా నడిస్తే అనేక ప్రయోజనాలు ఉంటాయని నిపుణులు చెబుతున్నారు. ప్రతిరోజూ ఉదయం 20 నిమిషాల పాటు ఉట్టి కాళ్లతో నడిస్తే మంచిదని ఆరోగ్య నిపుణులు సూచిస్తున్నారు. మన పాదాల్లో 72 వేల నరాల కొసలు ఉంటాయి. ఎక్కువ సేపు షూ వాడడం వల్ల సున్నితమైన ఈ నరాలు మందగిస్తాయి.
రోజంతా బూట్లు వేసుకుని ఉండటం శరీరంలోని సహజ బయోమెకానిక్స్‌కు వ్యతిరేకంగా పని చేస్తుంది. బాడీ మొత్తంలో ఉండే ఎముకల్లో 25 శాతం పాదాలతో సంబంధాన్ని కలిగి ఉంటాయి. షూ వాటిని సహజంగా కదలకుండా అడ్డుకుంటాయి. దీని వల్ల మోకాళ్లు, నడుము నొప్పి వంటి సమస్యలు వేధిస్తాయి. ఈ మధ్యకాలంలో నిద్రలేమి పెద్ద సమస్యగా మారింది. ఈ సమస్యకు చెక్‌ పెట్టాలంటే.. చెప్పులు లేకుండా నడవండి. ఉత్తి కాళ్లతో నిడిస్తే బాడీ రిలాక్స్‌ అవుతుంది. దీంతో త్వరగా నిద్రపడుతుంది. చెప్పులు లేకుండా నడిస్తే ఇమ్యూనిటీ కూడా పెరుగుతుందని నిపుణులు చెబుతున్నారు. ఉత్తి కాళ్లతో నడిస్తే.. కాళ్ల కండరాలు స్ట్రాంగ్ అవుతాయి. పాదాలు, కాళ్లు , కండరాలు దృఢంగా పనిచేయాలంటే చెప్పుల్లేకుండా నడవాలి. ఎక్కువగా షూ వేసుకుంటే.. పాదాల కండరాల మధ్య ఉండే న్యాచురల్‌ లింక్‌ దెబ్బతింటుంది. కండరాలు సరిగా పనిచేయకపోతే లిగ్మెంట్స్‌ మీద, ఎముకల మీద ఒత్తిడి ఎక్కువగా పడుతుంది.
చెప్పుల్లేకుండా నడిస్తే.. కీళ్ల నొప్పులు తగ్గుతాయని నిపుణులు చెబుతున్నారు. అరికాళ్లలోని ఇంద్రియ నాడి చివర్లు భూమిని గుర్తించి, ఎంత జాగ్రత్తగా నడవాలన్నదానిపై శరీరానికి సూచనలు ఇస్తాయి. . అప్పటిదాకా ఉపయోగించని కండరాలను మేల్కొలిపి, పాదాలకు రక్తప్రసరణ జరిగేలా చేస్తాయి. ఇది నిటారుగా నిలబడేలానూ సాయపడతాయి. ఉత్తి కాళ్లతో నడిస్తే.. కంటి ఆరోగ్యానికి మేలు జరుగుతుందని నిపుణులు చెబుతున్నారు. చెప్పులు లేకుండా నడిస్తే.. కంటి సమస్యల నుంచి రక్షణ లభిస్తుంది. మీరు ప్రతిరోజు కొంతసేపైనా చెప్పులు లేకుండా నడటం అలవాటు చేసుకోండి. చెప్పులు లేకుండా నడిచేటప్పుడు… ప్రకృతిని ఆస్వాదిస్తూ నడవాలి. ఇలా చేస్తే ఒత్తిడి కూడా తగ్గతుంది. పార్క్‌లో గడ్డి మీద ఉత్తి కాళ్లతో నడిస్తే ఇంకా మంచిది.
