త్వరగా బరువు తగ్గాలని ప్లాన్ చేశారు. పోషకాహారంలో కొవ్వులు తొలగించమని, రెగ్యులర్ గా వ్యాయామాలు చేయమని కొంతకాలం పాటు ఈ చర్యలు చేస్తే ఫలితాలు వచ్చి స్లిమ్ అవుతారని నిపుణులు సూచించారు. కాని ఈ స్పీడీ యుగంలో ఎప్పటికో స్లిమ్ అవుతావంటే వెయిట్ చేయటమెలా? అతి త్వరగా స్లిమ్ కావాలి. అందుకుగాను అయిదే అయిదు చిట్కాలు ఆచరించండి….! జీరో సైజులు ఆనందించండి. అయిదే అయిదు చిట్కాలు: నీరు ఆహారంగా – నీరు అధికంగా తాగండి. అది శరీరాన్ని శుభ్రపరచి మలినాలు తొలగించి కొంత బరువు తీసేస్తుంది. ఇక గట్టిగా శరీరంలో నిల్వవున్న కొవ్వు డిపాజిట్లు ఇక కరగటం మొదలు పెట్టి కొద్ది రోజుల్లో బరువు తగ్గుతుంది.
భోజనాలు – రెండో చర్యగా, మీరు ఏం తిన్నప్పటికి దానిని రోజుకు రెండు సార్లకు మాత్రమే కుదించండి. (ధాన్యాలు, ఒకగ్లాసు పాలు, కూరలు మొదలైనవి). తక్కువ కార్బోహైడ్రేట్లు, నీరు, పీచు అధికంగా వుండే కూరలు తినండి. ఆకలి వేస్తే – మీకు ఆకలి వేసినపుడల్లా పచ్చి కూరలు లేదా గ్రీన్ టీ వంటివి తీసుకోండి. ఆహారం నియంత్రిస్తున్నారు కనుక ఆరోగ్యకరమైన సలాడ్లు, హెర్బల్ టీలు తీసుకున్నా పరవాలేదు. గ్యాస్ – గ్యాస్ కలిగించే బంగాళా దుంప, బ్రక్కోలి, కేబేజి, ఆల్కహాల్ పానీయాలు, కార్న్ మొదలైనవి మానండి. గ్యాస్ పొట్టను ఉబ్బించి లావుగా కనపడేలా చేస్తుంది.
ఆహార సమయాలు – తినే తిండ్లకు సమయాలు పాటించండి. శరీరం జీర్ణక్రియకు సహకరించే ఎంజైములను తయారు చేస్తుంది. లేకుంటే జీర్ణక్రియ సమస్యలు వచ్చి పొట్ట గడబిడ చేస్తాయి. వాకింగ్, జాగింగ్, ఇంటిపని చేయటం, మెట్లెక్కడం మొదలైన సులభమైన పనులు వ్యాయామాలకిందకే వచ్చి త్వరితంగా బరువు తగ్గించి అధిక శ్రమ లేకుండానే మిమ్మల్ని స్లిమ్ చేస్తాయి.
